മിയാമിയില് ഭര്ത്താവ് നിക്ക് ജോനാസിനൊപ്പം പിറന്നാള് ആഘോഷങ്ങളിലാണ് നടി പ്രിയങ്ക ചോപ്ര. അമ്മ മധു ചോപ്രയും നടിയും പ്രിയങ്കയുടെ ബന്ധുവുമായ പരനീതി ചോപ്രയും അടക്കമുള്ള ബന്ധുക്കളും സുഹൃത്തുക്കളും ഇവിടെ താരദമ്പതികള്ക്കൊപ്പമുണ്ട്. മിയാമി ബീച്ചില് പിറന്നാള് ആഘോഷങ്ങള് പൊടിപൊടിക്കുന്നതിന്റെ ചിത്രങ്ങളാണ് ഇപ്പോള് സമൂഹമാധ്യമങ്ങളില് നിറയുന്നത്.
പിങ്ക് ബിക്കിനി ധരിച്ച് വാട്ടര് സ്കൂട്ടര് ഓടിക്കുന്ന പ്രിയങ്കയുടെ ചിത്രമാണ് ആരാധകര് ഏറ്റെടുത്തിരിക്കുന്നത്. വെള്ളത്തിലൂടെ സ്കൂട്ടര് ഓടിച്ച് വരുമ്പോള് കിടിലന് ലുക്കിലാണ് താരം. ഇല്ലാസബോട്ടില് സമയം ചിലവഴിക്കുന്നതിന്റെ ചിത്രങ്ങളും ഇതോടൊപ്പമുണ്ട്. ഭാര്യയെ ചേര്ത്തുപിടിച്ചിരിക്കുന്ന നിക്കിനെ ചിത്രങ്ങളില് കാണാം.
പ്രിയങ്കയുടെ ബര്ത്ത്ഡേ പാര്ട്ടിയില് പങ്കുചേരാനാണ് മധു ചോപ്രയും പരനീതിയും മിയാമിയില് എത്തിയത്. ചുവപ്പ് നിറത്തിലുള്ള തിളങ്ങുന്ന വസ്ത്രമണിഞ്ഞാണ് പ്രിയങ്ക ബര്ത്ത്ഡേ പാര്ട്ടിക്ക് എത്തിയത്.അഞ്ച് നിലയുള്ള പ്രത്യേക കേക്കാണ് നിക്ക് പ്രിയങ്കയിക്കായി ഒരുക്കിയിരുന്നത്. വിവാഹശേഷമുള്ള പ്രിയങ്കയുടെ ആദ്യ പിറന്നാള് എന്ന പ്രത്യേകതയും ഇത്തവണത്തെ ജന്മദിനത്തിനുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ