ഒൻപത് വർഷം മുൻപ് പുറത്തിറങ്ങിയ 'മയക്കം എന്ന' എന്ന ഹിറ്റ് ചിത്രത്തിലെ 'അടിടാ അവളെ' എന്ന ഗാനത്തിലെ വരികൾക്ക് മാപ്പുപറഞ്ഞത് സംവിധായകന് സെൽവരാഘവൻ. ഗാനത്തിലെ വരികളിൽ കടുത്ത സ്ത്രീവിരുദ്ധതയുള്ളതിനാലാണ് മാപ്പ് പറയുന്നതെന്നും അത്തരം വരികൾ ഒരിക്കലും എഴുതാൻ പാടില്ലായിരുന്നെന്നും സെൽവരാഘവൻ പറഞ്ഞു.
സെൽവരാഘവന്റെ സഹോദരനും ചിത്രത്തിലെ നായകനുമായ ധനുഷ് ആണ് ഗാനങ്ങളുടെ വരികൾ എഴുതിയത്. 'അടിടാ അവളെ, ഉധൈതാ അവളെ, വിട്രാ അവളെ, തേവൈ ഇല്ല...' എന്നിങ്ങനെയാണ് ആ വരികൾ.
"ഞാൻ മാപ്പ് പറയുന്നു. അത്തരം വരികൾ ഒരിക്കലും എഴുതാൻ പാടില്ലായിരുന്നു. അത് തെറ്റാണ്. ഞാനല്ല ആ വരികൾ എഴുതിയത്", സെൽവരാഘവൻ പറഞ്ഞു. ഒരു സംവിധായകന് സാമൂഹിക പ്രതിബദ്ധതയുണ്ടാകേണ്ടത് അത്യാവശ്യമാണെന്നും അദ്ദേഹം കൂട്ടിച്ചേർത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ