ന്യൂഡല്‍ഹി: ലോക്‌സഭാ തെരഞ്ഞെടുപ്പില്‍ എന്‍ഡിഎ ലീഡ് നിലനിര്‍ത്തുന്നത് സന്തോഷകരമാണെന്ന് ബോളിവുഡ് താരം അനുപംഖേര്‍. ഇന്ത്യയുടെ ഭാവി കുറേക്കൂടി തിളക്കമാര്‍ന്നതാണെന്നും ജനാധിപത്യത്തിന്റെ ഉത്സവമാണ് രാജ്യത്തെന്നും അദ്ദേഹം ട്വീറ്റ് ചെയ്തു.

അനുപം ഖേറിന്റെ ഭാര്യ കിരണ്‍ ഛത്തീസ്ഗല്‍ നിന്നും ബിജെപി സ്ഥാനാര്‍ത്ഥിയായി ജനവിധി തേടുന്നുണ്ട്. തുടര്‍ച്ചയായ രണ്ടാം വിജയമാണ് കിരണിന്റെ ലക്ഷ്യം.  മുന്‍ റെയില്‍വേ മന്ത്രിയായിരുന്ന പവന്‍കുമാര്‍ ബന്‍സലിനെതിരെയാണ് കിരണ്‍ മത്സരിക്കുന്നത്.

ഇതുവരെയുള്ള ഫലസൂചനകള്‍ പുറത്ത് വരുമ്പോള്‍ ബിജെപി 325 സീറ്റിലും കോണ്‍ഗ്രസ് 101 സീറ്റിലും മറ്റുള്ളവര്‍ 115 സീറ്റിലുമാണ് ലീഡ് ചെയ്യുന്നത്.