വിശാൽ നായകനായെത്തുന്ന തമിഴ് ചിത്രം ആക്ഷനിലെ പുതിയ ഗാനം പുറത്തിറങ്ങി. ‘അഴകേ....’  എന്ന് തുടങ്ങുന്ന ഗാനമാണ് അണിയറപ്രവർത്തകർ പുറത്തുവിട്ടിരിക്കുന്നത്. ഹിപ് ഹോപ് തമിഴയാണ് ​ഗാനം ഒരുക്കിയിരിക്കുന്നത്. നകുൽ അബ്യങ്കർ ആണ് ആലാപനം.

മലയാളികളുടെ പ്രിയ താരം  ഐശ്വര്യ ലക്ഷ്മിയാണ് ചിത്രത്തിൽ നായികയായെത്തുന്നത്.  ഐശ്വര്യയുടെ തമിഴ് അരങ്ങേറ്റ ചിത്രം എന്ന പ്രത്യേകതയും ഈ സിനിമയ്ക്കുണ്ട്. യോഗി ബാബു, കബീർ ദുഹാൻ, രാംകി എന്നിവരാണ് മറ്റ് താരങ്ങൾ.

സുന്ദർ സി സംവിധാനെ ചെയ്യുന്ന ചിത്രം ട്രിഡെന്റ് ആർട്‌സിന്റെ ബാനറിൽ ആർ രവീന്ദ്രനാണ് നിർമ്മിക്കുന്നത്. തമിഴിലും തെലുങ്കിലും ചിത്രം ഒരേസമയം റിലീസിനെത്തും. ചിത്രത്തിലെ മറ്റൊരു ഗാനം നേരത്തെ റിലീസ് ചെയ്തിരുന്നു.