ബിജു മേനോൻ – ജിബു ജേക്കബ് ടീമിൻ്റെ ആദ്യരാത്രി എന്ന ചിത്രത്തിലെ കുട്ടനാടൻ ബാഹുബലി എന്ന ഗാനം ഏറെ ശ്രദ്ധനേടിയിരുന്നു. 'ബാഹുബലി'യിലെ 'ഒരേ ഒരു രാജ' എന്ന ഗാനത്തിന്റെ സ്പൂഫായി ഒരുക്കിയ 'ഞാനെന്നും കിനാവ്' എന്ന ഗാനത്തിന്റെ മേക്കിങ് വീഡിയോ പുറത്ത് വിട്ടിരിക്കുകയാണ് അണിയറപ്രവര്‍ത്തകർ.
നര്‍മ്മ രസപ്രധാനമായ രംഗങ്ങള്‍ കൊണ്ടു ശ്രദ്ധ നേടിയ ഗാനരംഗത്തിൽ അജു വര്‍ഗീസും അനശ്വര രാജനുമാണ് അഭിനയിച്ചിരിക്കുന്നത്. സന്തോഷ് വര്‍മ്മ വരികളെഴുതിയ ഗാനം ആന്‍ ആമി, രഞ്ജിത് ജയരാമന്‍ എന്നിവര്‍ ചേര്‍ന്നാണ് ആലപിച്ചിരിക്കുന്നത്. ഈ ഗാനരംഗത്തിനായി അണിയറയിൽ പ്രവർത്തിച്ചവരെല്ലാം അനുഭവങ്ങൾ പങ്കുവെക്കുന്ന വീഡിയോ ആണ് ഇപ്പോൾ പുറത്തുവിട്ടിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ