ലോസ്ആഞ്ചല്‍സ്; നിര്‍മാതാക്കളുടെ ലൈംഗിക ആവശ്യങ്ങളോട് വഴങ്ങാത്തതുകൊണ്ട് തനിക്ക് ലഭിക്കേണ്ട അവസരങ്ങള്‍ കുറഞ്ഞെന്ന് തുറന്നു പറഞ്ഞ് ബോളിവുഡ് താരം താന്‍ഡീ ന്യൂട്ടന്‍. ഹോളിവുഡ് നിര്‍മാതാക്കളോട് നോ പറഞ്ഞതുകൊണ്ട് കരിയറില്‍ ഒരുപാട് നഷ്ടങ്ങളുണ്ടായെന്നാണ് ബ്രിട്ടീഷ് താരം പറഞ്ഞത്. എന്നാല്‍ തന്റെ തീരുമാനത്തില്‍ യാതൊരു നഷ്ടബോധവുമില്ലെന്നും താരം കൂട്ടിച്ചേര്‍ത്തു.
അടുത്തിടെയാണ് മാത്രമാണ് ഇത് തന്റെ കരിയറിനെ ബാധിച്ചിട്ടുണ്ടെന്ന് താന്‍ തിരിച്ചറിഞ്ഞത് എന്നാണ് താന്‍ഡി പറയുന്നത്. നിരവധി പേരില്‍ നിന്ന് ഇത് എനിക്കറിയാം. കാരണം അവര്‍ക്ക് ആരും അവസരം കൊടുത്തില്ലെങ്കിലും അവര്‍ തളരില്ല. അഭിനേതാവ് എന്ന നിലയില്‍ ചിത്രത്തില്‍ അഭിനയിക്കുക മാത്രമല്ല മറ്റ് പല കാര്യങ്ങള്‍ക്ക് കൂടി നമ്മള്‍ നിന്നുകൊടുക്കണം എന്നാണ് താന്‍ഡീ പറയുന്നത്. എനിക്ക് അത് പറ്റില്ലെന്ന് താന്‍ നേരത്തെ പറഞ്ഞിട്ടുള്ളതിനാല്‍ തന്റെ അവസരങ്ങള്‍ കുറഞ്ഞു എന്നും അവര്‍ വ്യക്തമാക്കി. ഹോളിവുഡിലെ ലൈംഗിക ചൂഷങ്ങള്‍ക്കെതിരേ ഉയര്‍ന്ന് മീടൂ മൂവ്‌മെന്റിന് ശക്തമായ സപ്പോര്‍ട്ടറാണ് താന്‍ഡീ.
മിഷന്‍; ഇംപോസിബിള്‍ 2, ക്രാഷ്, ദി പര്‍സ്യൂട്ട് ഓഫ് ഹാപ്പിനസ് എന്നീ ചിത്രങ്ങളില്‍ താന്‍ഡീ അഭിനയിച്ചിട്ടുണ്ട്. അമേരിക്കന്‍ ടെലിവിഷന്‍ സീരീസായ വെസ്റ്റ് വേള്‍ഡ് സീസണ്‍ 2 ലാണ് അടുത്തിടെ അഭിനയിച്ചത്. ആദ്യ സീസണിലെ താരത്തിന്റെ പ്രകടനം മികച്ച അഭിപ്രായം നേടിയിരുന്നു. എമ്മി അവാര്‍ഡില്‍ മികച്ച സഹനടിയ്ക്കുള്ള അവാര്‍ഡും സ്വന്തമാക്കിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ