തെന്നിന്ത്യയിലെ താരസുന്ദരിയാണ് നമിത. നിരവധി ആരാധകരാണ് താരത്തിനുള്ളത്. ഇപ്പോള്‍ സോഷ്യല്‍ മീഡിയയില്‍ വൈറലാവുന്നത് നമിതയുടെ മേക്കോവര്‍ ചിത്രങ്ങള്‍. മെലിഞ്ഞ് കൂടുതല്‍ സുന്ദരിയായിരിക്കുകയാണ് താരം. യോഗയും വര്‍ക്കൗട്ടും ശീലമാക്കിയതോടെയാണ് നമിതയുടെ ശരീരഭാരം കുറഞ്ഞത്. തന്റെ ഇന്‍സ്റ്റഗ്രാമിലൂടെയാണ് നമിത ചിത്രങ്ങള്‍ പങ്കുവെച്ചിരിക്കുന്നത്.
താരത്തിന്റെ പുതിയ മേക്കോവര്‍ ആരാധകര്‍ ഏറ്റെടുത്തിരിക്കുകയാണ്. ഇപ്പോള്‍ കൂടുതല്‍ സുന്ദരിയായി എന്നാണ് അവര്‍ പറയുന്നത്. വിവാഹം കഴിഞ്ഞതിന് ശേഷം കുറച്ചുനാളായി സിനിമയില്‍ നിന്ന് വിട്ടു നില്‍ക്കുകയായിരുന്നു നമിത. താരം ഇപ്പോള്‍ പുതിയ ചിത്രത്തില്‍ അഭിനയിക്കാനുള്ള തയാറെടുപ്പിലാണെന്നും റിപ്പോര്‍ട്ടുകളുണ്ട്. തമിഴ് ചിത്രം പൊട്ടിലാണ് താരം അവസാനമായി അഭിനയിച്ചത്.
2017 ലായിരുന്നു നമിതയുടെ വിവാഹം. നടന്‍ വീരയാണ് ഭര്‍ത്താവ്. ബിഗ് ബോസ് ആദ്യ സീസണില്‍ താരം പങ്കെടുത്തിരുന്നു. ഷോയില്‍ നിന്ന് പുറത്തായതിന് തൊട്ടുപിന്നാലെയായിരുന്നു വിവാഹം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ