മെഗാസ്റ്റാര്‍ മമ്മൂട്ടി കേരള മുഖ്യമന്ത്രിയാകുന്നു. ഇച്ചായീസ് പ്രൊഡക്ഷന്‍സ് നിര്‍മ്മിക്കുന്ന വണ്‍ എന്ന ചിത്രത്തിലാണ് മമ്മൂട്ടി സംസ്ഥാന മുഖ്യമന്ത്രിയായി വേഷമിടുന്നത്. സിനിമയുടെ ചിത്രീകരണം അടുത്ത മാസം ആരംഭിക്കും.
മലയാളത്തിലെ ജനപ്രിയ തിരക്കഥാകൃത്തുക്കളായ ബോബി സഞ്ജയ് ടീമാണ് മമ്മൂട്ടിക്ക് വേണ്ടി കഥയൊരുക്കുന്നത്. ബോബി സഞ്ജയ് ടീം മമ്മൂട്ടിക്ക് വേണ്ടി തയ്യാറാക്കുന്ന ആദ്യ തിരക്കഥ കൂടിയാണ് വണ്‍.
കുഞ്ചാക്കോ ബോബന്‍ നായകനായ ചിറകൊടിഞ്ഞ കിനാക്കള്‍ എന്ന ചിത്രമൊരുക്കിയ സന്തോഷ് വിശ്വനാഥനാണ് വണ്ണിന്റെ സംവിധായകന്‍. ഏറെക്കാലത്തിന് ശേഷമാണ് മമ്മൂട്ടി മലയാള സിനിമയില്‍ ഒരു രാഷ്ട്രീയക്കാരന്റെ വേഷമിടുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ