മകൾ ശ്രേയയെ മടിയിലിരുത്തി പാട്ടുപാടി ഗായകൻ ഹരീഷ് ശിവരാമകൃഷ്ണൻ. ‘താമരക്കണ്ണനുറങ്ങേണം കണ്ണും പൂട്ടിയുറങ്ങേണം’ എന്ന ഗാനമാണ് ഹരീഷ് മകൾക്കായി ആലപിച്ചത്. ഒരു മിനിറ്റിലേറെ ദൈർഘ്യമുള്ള വിഡിയോ തന്റെ ഫേസ്ബുക്ക് പേജിലൂടെ ഹരീഷ് പങ്കുവച്ചു. 

"ശ്രേയയുടെ അപ്പ , അവൾക്കു വേണ്ടി പാടിയത് ...
‘താമര കണ്ണനുറങ്ങേണം ...'
കൈതപ്രത്തിന്റെ മനോഹരമായ വരികൾക്ക് എസ് പി വെങ്കടേഷ് ഇന്റെ melody ഉം ദാസേട്ടന്റെയും ചിത്ര ചേച്ചിയുടെയും ശബ്ദവും...", എന്ന അടിക്കുറിപ്പോടെയാണ് വിഡിയോ പോസറ്റു ചെയ്തിരിക്കുന്നത്. മകൾക്ക് സ്നേഹചുംബനം നൽകിയാണ് വിഡിയോ അവസാനിക്കുന്നത്.

1993-ല്‍ പുറത്തിറങ്ങിയ മമ്മൂട്ടി ചിത്രം വാത്സല്യത്തിലെ ഗാനമാണിത്. മകൾ ഭാ​ഗ്യവതിയാണെന്നും ഈ വിഡിയോ എന്നെന്നേക്കുമായി സൂക്ഷിച്ചുവയ്ക്കണമെന്നുമൊക്കെ ആരാധകർ കുറിച്ചു.  അപ്പയും മകളും വളരെ ക്യൂട്ട് ആണെന്നും അച്ഛന്റെ സ്നേഹവും വാത്സല്യവുമാണ് പാട്ടിൽ തെളിയുന്നതെന്നും ആരാധകർ കമന്റുകളിൽ കുറിച്ചു.