മുംബൈ: കോവിഡ് 19 ബാധിച്ചവരെ ചികിത്സിക്കാനായി രക്തം ദാനം ചെയ്യുമെന്ന് ബോളിവുഡ് താരം. കോവിഡ് ബാധയിൽ നിന്ന് സുഖം പ്രാപിച്ച ബോളിവുഡ് താരം സോയ മൊറാനിയാണ് രക്തം നൽകാൻ തയ്യാറാണെന്ന് വ്യക്തമാക്കിയത്. സോയക്കും അച്ഛനും നിര്‍മ്മാതാവുമായ കരീം മൊറാനിക്കും സഹോദരി ഷാസക്കും കോവിഡ് ബാധിച്ചിരുന്നു.
”ഈയാഴ്ച അവസാനത്തോടെ രക്തദാനം ചെയ്യും. കൊറോണ നെഗറ്റീവായി 14 ദിവസത്തിന് ശേഷം, രക്തത്തില്‍ ആന്റിബോഡികള്‍ ഉള്ളതിനാല്‍ രക്തദാനം ചെയ്യാം. ഇത് മറ്റുള്ളവരെ സുഖപ്പെടുത്താന്‍ സഹായിച്ചേക്കാം. ഷാസയുടെയും എന്റെയും ഐസൊലേഷന്‍ ദിവസങ്ങള്‍ കഴിയാറായി. അച്ഛന് കുറച്ചു കൂടി ദിവസങ്ങള്‍ കാത്തിരിക്കേണ്ടി വരും”- സോയ പറയുന്നു.
കോവിഡ് ബാധിച്ചപ്പോൾ മൂന്ന് പേർക്കും രോഗ ലക്ഷണങ്ങൾ ഒരു പോലെയല്ലായിരുന്നുവെന്നും സോയ വ്യക്തമാക്കുന്നു.“അച്ഛന് ലക്ഷണങ്ങളൊന്നും ഇല്ലാതിരുന്നപ്പോൾ, എന്റെ സഹോദരിക്ക് കടുത്ത തലവേദനയും പനിയും വന്നു. എനിക്ക് ചുമയും കണ്ണുകളിൽ വേദന അനുഭവപ്പെടാൻ തുടങ്ങി. നെഞ്ചിനുള്ളിൽ എന്തോ കുടുങ്ങിയതു പോലെ. എനിക്ക് ശരിയായി ശ്വസിക്കാൻ കഴിയുമായിരുന്നില്ല”- സോയ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ