ലോക്ക്ഡൗൺ വിശേഷങ്ങൾ വിഡിയോകളിലൂടെയും ചിത്രങ്ങളിലൂടെയുമെല്ലാം ആരാധകരുമായി പങ്കുവയ്ക്കുകയാണ് സിനിമാതാരങ്ങൾ. ഇത്തരത്തിൽ നടി പ്രവീണ തന്റെ വീട്ടിലെത്തിയ ഒരു കുഞ്ഞ് അതിഥിയെ പരിചയപ്പെടുത്തുന്ന വിഡിയോയാണ് ഇന്റർനെറ്റിൽ ശ്രദ്ധനേടുന്നത്. വീട്ടിലെത്തിയ മൂർഖൻ പാമ്പിന്റെ കുഞ്ഞിന്റെ വിശേഷങ്ങളാണ് നടി തന്റെ യൂട്യൂബ് ചാനലിലൂടെ പങ്കുവച്ചത്.
പറമ്പിൽ പാമ്പിനെ കണ്ടതും പ്രവീണ പൂജപ്പുര സ്നേക്ക് പാർക്കിൽ വിവരമറിയിക്കുകയായിരുന്നു. അവിടെ നിന്ന് സജി എന്നയാൾ എത്തി പാമ്പിനെ പി‌ടികൂടുകയായിരുന്നു. ഇതിനുശേഷമാണ് പ്രവീണ പാമ്പിനെ കൈയിലെടുത്തത്. തുടക്കത്തിൽ ഭയമുണ്ടായിരുന്നെങ്കിലും പിന്നീട് അത് മാറി പാമ്പിനെക്കുറിച്ചുള്ള കൂടുതൽ വിശേഷങ്ങൾ തിരക്കുകയായിരുന്നു നടി. പാമ്പിൻ കുഞ്ഞിനെ പ്രവീണ കൈയിലെടുത്ത് നിൽക്കുന്നതും വിഡിയോയിൽ കാണാം.
പാമ്പിനെ കയ്യിലെടുത്ത വിഡിയോ പങ്കുവച്ചതിന് പിന്നാലെ ഒട്ടനവധിയാളുകളാണ് പ്രവീണയെ അഭിനന്ദിച്ച് രംഗത്തെത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ