പ്രമുഖ റിയാലിറ്റി ഷോയായ ബിഗ് ബോസിന്റെ ഹിന്ദി പതിപ്പില്‍ 14-ാം സീസണ്‍ ഉടന്‍ എത്തുന്നു. അടുത്ത മാസം 27-ാം തിയതി സീസണിലെ ആദ്യ എപ്പിസോഡ് പുറത്തുവിടുമെന്നാണ് റിപ്പോര്‍ട്ടുകള്‍. ആദ്യ എപ്പിസോഡ് ടെലിക്കാസ്റ്റിന് രണ്ട് ദിവസം മുമ്പ് ഷൂട്ടിങ് ആരംഭിക്കും.
മുംബൈ ഫിലിം സിറ്റിയിലാണ് ബിഗ് ബോസ് സെറ്റ് ഒരുങ്ങുന്നത്. ആവശ്യമായ എല്ലാ മുന്‍കരുതലുകളും സജ്ജീകരിക്കുമെന്ന് അണിയറപ്രവര്‍ത്തകര്‍ പറഞ്ഞു. ബിഗ് ബോസ് പ്രമോയ്ക്കായി ഈ മാസം സല്‍മാന്‍ ഖാന്‍ ഷൂട്ടിങ്ങിനെത്തും. കോവിഡും സാമൂഹിക അകലവുമെല്ലാം പ്രമോയില്‍ പ്രമേയമാക്കുമെന്നാണ് ലഭിക്കുന്ന വിവവരം. ബോളിവുഡ് സൂപ്പര്‍താരം ഇക്കുറി 16 കോടി രൂപയാണ് പ്രതിഫലം വാങ്ങുന്നതെന്നും റിപ്പോര്‍ട്ടുകളുണ്ട്. എന്നാല്‍ ഇതുസംബന്ധിച്ച ഔദ്യോഗിക സ്ഥിരീകരണമൊന്നുമില്ല.
പുതിയ സീസണിലെ എല്ലാ മത്സരാര്‍ത്ഥികളെയും ബിഗ് ബോസ് വീട്ടിലേക്ക് കടക്കുന്നതിന് മുമ്പ് മെഡിക്കല്‍ പരിശോധനയ്ക്ക് വിധേയരാക്കുമെന്ന് അണിയറപ്രവര്‍ത്തകര്‍ പറഞ്ഞു. കഴിഞ്ഞ സീസണില്‍ നിന്ന് വ്യത്യസ്തമായി സീസണ്‍ 14ല്‍ കോമണര്‍ അടക്കമായിരിക്കും മത്സരാര്‍ത്ഥികളെന്നും അവര്‍ കൂട്ടിച്ചേര്‍ത്തു. ഡിജിറ്റല്‍ ഒഡിഷനിലൂടെയാണ് മത്സരാര്‍ത്ഥികളെ തിരഞ്ഞെടുത്തത്.
അതേസമയം ഇക്കുറി ബിഗ് ബോസ് എപ്പിസോഡുകളും ഐപിഎല്‍ മത്സരങ്ങളും ഒരേ സമയം അരങ്ങേറുന്നത് തിരിച്ചടിയാകുമെന്ന അഭിപ്രായം ശക്തമാണ്. സ്റ്റാര്‍ പ്ലസ് നൃത്ത റിയാലിറ്റി ഷോയായ പച്ച് ബലിയേയും ഇതേ സമയം അരങ്ങേറുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ