പ്രഭാസ്- ദീപിക പദുക്കോൺ  എന്നിവരെ കേന്ദ്രകഥാപാത്രമാക്കി നാഗ് അശ്വിൻ സംവിധാനം ചെയ്യുന്ന ചിത്രത്തിൽ മലയാള നടി നിവേത തോമസും അഭിനയിക്കുന്നുണ്ടെന്ന് റിപ്പോർട്ട്. സിനിമയിലെ പ്രധാന സ്ത്രീ കഥാപാത്രങ്ങളിൽ ഒരാളായാണ്  നിവേത എത്തുന്നതെന്നാണ് സൂചന.

നിവേത സിനിമയുടെ തിരക്കഥ വായിച്ചുകേട്ടെന്നും നടി താത്പര്യമറിയിച്ചെന്നുമാണ് റിപ്പോർട്ടുകൾ. സയൻസ് ഫിക്ഷൻ ത്രില്ലറായ് ഒരുങ്ങുന്ന ചിത്രത്തിൽ പ്രധാന കഥാപാത്രങ്ങളിലൊന്നാണ് നിവേതയെ തേടിയെത്തിയിരിക്കുന്നത് എന്നാണ് വിവരം. രജനികാന്ത് നായകനായി എ ആർ മുരുഗദോസ് സംവിധാനം ചെയ്‍ത ദർബാറിലാണ് ഏറ്റവും ഒടുവിൽ അഭിനയിച്ചത്.