കഴിഞ്ഞ ദിവസമാണ് യുവതാരം ടൊവിനോ തോമസ് ജിമ്മില്‍ നിന്നുള്ള സൂപ്പര്‍ചിത്രം പങ്കുവെച്ചത്. തിരിഞ്ഞുനില്‍ക്കുന്ന താരത്തിന്റെ മസിലു കണ്ട് ആരാധകരും സഹതാരങ്ങളുമെല്ലാം ഞെട്ടി. എന്നാല്‍ അതിന് പിന്നാലെ ട്രോളുമായി എത്തിയിരിക്കുകയാണ് നടന്‍ അജു വര്‍ഗീസ്. തന്നേപ്പോലെ സിക്‌സ് പാക്ക് നിനക്കുണ്ടോ എന്നാണ് ടൊവിനോയോട് അജു ചോദിക്കുന്നത്. രസകരമായ ചിത്രം സോഷ്യല്‍ മീഡിയയില്‍ വൈറലാവുകയാണ്.
ഒരിക്കലും നടക്കാത്ത അജുവിന്റെ ആഗ്രഹം ആരാധകനാണ് സാധിച്ചുകൊടുത്തത്. ബനിയന്‍ പൊക്കി തന്റെ സിക്‌സ് പാക്ക് കാണിക്കുന്ന അജുവാണ് ചിത്രത്തില്‍. ഈ ചിത്രം ടൊവിനോയുടെ ചിത്രത്തിനൊപ്പം ചേര്‍ത്തുവെച്ചാണ് അജുവിന്റെ ചോദ്യം. ഉരുളക്കു ഉപ്പേരിപോലെ അജുവിന് സൂപ്പര്‍ മറുപടി നല്‍കാനും ടൊവിനോ മറന്നില്ല. കേരളത്തിലെ ആണ്‍പിള്ളേര്‍ക്ക് എന്തിനാ സിക്‌സ് പാക് എന്ന അജുവിന്റെ ഡയലോഗ് തന്നെയാണ് ടൊവിനോ കമന്റ് ചെയ്തിരിക്കുന്നത്. ടൊവിനോയേയും അജുവിനേയും ട്രോളി നിരവധി കമന്റുകളാണ് ചിത്രത്തിന് ലഭിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ