അമിതാഭ് ബച്ചന് കോവിഡ് സ്ഥിരീകരിച്ചതിന് പിന്നാലെ നടിയും ബിജെപി എംപിയുമായ ഹേമ മാലിനിയുടെ ആരോഗ്യ സ്ഥിതിയെക്കുറിച്ച് അഭ്യൂഹങ്ങള്‍ പരന്നിരുന്നു. ആരോഗ്യം മോശമായതിനെ തുടര്‍ന്ന് താരത്തെ ആശുപത്രിയില്‍ പ്രവേശിപ്പിച്ചു എന്നാണ് വാര്‍ത്തകള്‍ പ്രചരിച്ചത്. താന്‍ സുഖമായി ഇരിക്കുന്നു എന്ന് വ്യക്തമാക്കിക്കൊണ്ട് രംഗത്തെത്തിയിരിക്കുകയാണ് ഹേമ മാലിനി.
സോഷ്യല്‍ മീഡിയയില്‍ പങ്കുവെച്ച വിഡിയോ സന്ദേശത്തിലൂടെയാണ് വ്യാജ വാര്‍ത്തകള്‍ക്കെതിരെ പ്രതികരിച്ചത്. ചിലവാര്‍ത്തകള്‍ കേട്ട് നിങ്ങള്‍ക്ക് വിഷമിച്ചിട്ടുണ്ടാകും. എന്നാല്‍ അങ്ങനെയൊന്നുമില്ല. കൃഷ്ണന്റൈ അനുഗ്രഹത്താല്‍ താന്‍ ആരോഗ്യവതിയായി ഇരിക്കുന്നു എന്നും ഹേമമാലിനി പറഞ്ഞു. ആരോധകരുടെ സ്‌നേഹത്തിന് നന്ദി പറയാനും താരം മറന്നില്ല.
കഴിഞ്ഞ ദിവസമാണ് ഹേമ മാലിനിയുടെ ആരോഗ്യത്തെക്കുറിച്ച് വ്യാജ വാര്‍ത്ത പ്രചരിച്ചത്. തുടര്‍ന്ന് ഇതിനെതിരെ മകള്‍ ഇഷാ ഡിയോള്‍ രംഗത്തെത്തിയിരുന്നു. അമ്മയുടെ ആരോഗ്യത്തെക്കുറിച്ചുള്ള വാര്‍ത്തകള്‍ വ്യാജമാണെന്നും ഇത് പ്രചരിപ്പിക്കരുത് എന്നുമാണ് ഇഷ കുറിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ