അടുത്തിടെ വിടപറഞ്ഞ തന്റെ സുഹൃത്തും നടനുമായ ഋഷി കപൂറിനെ ഓര്‍മിച്ച് നടന്‍ അമിതാഭ് ബച്ചന്‍. ഒരു പാട്ടിന് അനുസരിച്ച് ലിപ് സിങ്ക് ചെയ്യുന്നതില്‍ ആര്‍ക്കും ഋഷി കപൂറിനെ തോല്‍പ്പിക്കാനാവില്ല എന്നാണ് പഴയ ചിത്രം പങ്കുവെച്ച് ബിഗ് ബി കുറിക്കുന്നത്. ഒരു സ്റ്റേജ് പരിപാടിക്കിടയില്‍ പകര്‍ത്തിയ ചിത്രമാണ് താരം പങ്കുവെച്ചിരിക്കുന്നത്.
അഭിഷേക് ബച്ചനും കരണ്‍ ജോഹറിനുമൊപ്പം വേദിയില്‍ പെര്‍ഫോം ചെയ്യുകയാണ് ഋഷി കപൂര്‍. കയ്യില്‍ മൈക്ക് പിടിച്ച് അഭിഷേക് പാട്ടുപാടുമ്പോള്‍ അതേപോലെ ലിപ്‌സിങ്ക് ചെയ്യുകയാണ് ഋഷി. മനോഹരമായ ചിരിക്കൊപ്പമാണ് അദ്ദേഹത്തിന്റെ പ്രകടനം. റിഷി കപൂറിനെപ്പോലെ പൂര്‍ണതയോടെ ലിപ്‌സിങ്ക് ചെയ്യാന്‍ ആര്‍ക്കുമാവില്ല എന്നാണ് അദ്ദേഹം കുറിച്ചത്. ഈ പ്രായത്തിലും എത്ര മനോഹരമായാണ് അദ്ദേഹം ചെയ്യുന്നതെന്നും ഒരിക്കലും പരാചയപ്പെടുത്താനാവില്ല എന്നുമാണ് ബിഗ് ബി കുറിച്ചത്.
ആഴ്ചകള്‍ക്ക് മുന്‍പ് ഋഷി കപൂറിനൊപ്പം അഭിനയിച്ച അവസാന ചിത്രത്തിലെ വിഡിയോ അമിതാഭ് പങ്കുവെച്ചിരുന്നു. മെയ് 30 നാണ് ഋഷി കപൂര്‍ മരിക്കുന്നത്. കാന്‍സര്‍ രോഗത്തെ തുടര്‍ന്ന് ചികിത്സയിലായിരുന്നു അദ്ദേഹം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ