നേരിട്ട് ഓടിടി റിലീസിനെത്തിയ രണ്ടാമത്തെ തമിഴ് സിനിമയാണ് കീർത്തി സുരേഷ് നായികയായ പെൻഗ്വിൻ. തമിഴ്, തെലുഗു, മലയാളം എന്നീ മൂന്ന് ഭാഷകളിൽ ആമസോൺ പ്രൈമിൽ റിലീസ് ചെയ്ത സിനിമ ഏറെ ചർച്ചചെയ്യപ്പെട്ടുകൊണ്ടിരിക്കുകയാണ്. ഇതിനിടയിലാണ് ചിത്രത്തിലെ കീർത്തിയുടെ പ്രകടനത്തെ പ്രശംസിച്ച നടി രശ്മിക മന്ദാന രംഗത്തെത്തിയിരിക്കുന്നത്.
പെൻഗ്വിൻ മികച്ച ചിത്രമാണെന്ന് അഭിപ്രായപ്പെട്ട രശ്മിക കീർത്തി വളരെ കൃത്യമായി കഥാപാത്രത്തിന് യോചിച്ച രീതിയിൽ അഭിനയിച്ചെന്നും പറഞ്ഞു. എല്ലാ അമ്മമാർക്കും കീർത്തിയുടെ കഥാപാത്രവുമായി ബന്ധപ്പെടുത്താൻ പറ്റുമെന്ന് തനിക്ക് ഉറപ്പാണെന്നും രശ്മിക കുറിച്ചു.
സൈക്കോളജിക്കൽ ത്രില്ലർ വിഭാഗത്തിലുള്ള ചിത്രത്തിൽ കീർത്തി സുരേഷ് ഒരു കുഞ്ഞിന്റെ അമ്മയായാണ് അഭിനയിച്ചിരിക്കുന്നത്. കഴിഞ്ഞ വെള്ളിയാഴ്ച റിലീസ് ചെയ്ത പെൻഗ്വിൻ ഈശ്വർ കാർത്തിക്കാണ് സംവിധാനം ചെയ്തിരിക്കുന്നത്. കാർത്തിക് സുബ്ബരാജിൻറെ ഉടമസ്ഥതയിലുള്ള സ്റ്റോൺ ബഞ്ച് ഫിലിംസ് ആണ് നിർമ്മാതാക്കൾ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ