കൊറോണ വൈറസിനെ തടയുന്നതിന്റെ ഭാഗമായി പ്രധാനമന്ത്രി ആഹ്വാനം ചെയ്ത ജനതാ കര്‍ഫ്യൂവിന് പിന്തുണയുമായി നടന്‍ മമ്മൂട്ടി. ഫേയ്‌സ്ബുക്കില്‍ പങ്കുവെച്ച വിഡിയോയിലൂടെയാണ് താരം പിന്തുണ അറിയിച്ചത്. നമ്മള്‍ ആരും സുരക്ഷിതരല്ലെന്നും എന്നാല്‍ ഇപ്പോള്‍ ശ്രമിച്ചാല്‍ വൈറസ് വ്യാപനത്തെ തടയാന്‍ സാധിക്കുമെന്ന് മമ്മൂട്ടി പറയുന്നു.
'വകതിരിവില്ലാതെ കടന്നുവരും കൊറോണ. മരുന്നൊന്നും ഇതുവരെ കണ്ടുപിടിച്ചിട്ടില്ല. നമ്മളാരും സുരക്ഷിതരുമല്ല. പക്ഷേ ഇപ്പോള്‍ നമുക്ക് തടയാന്‍ സാധിക്കും. ഈ വൈറസിന്റെ വ്യാപനത്തെ.പ്രധാനമന്ത്രിയും മുഖ്യമന്ത്രിയും ആഹ്വാനം ചെയ്ത ജനതാ കര്‍ഫ്യൂവില്‍ ഞാനുമുണ്ട്. നിങ്ങളുടെ കൂടെ. നമുക്ക് ഒന്നിച്ചു നില്‍ക്കാം. ഇതൊരു കരുതലാണ്, സുരക്ഷക്ക് വേണ്ടിയുള്ള കരുതല്‍' മമ്മൂട്ടി പറഞ്ഞു.
ഇതിനോടകം സിനിമ മേഖലയിലെ നിരവധി പേരാണ് ജനതാ കര്‍ഫ്യൂവിന് പിന്തുണയുമായി എത്തിയത്. മോഹന്‍ലാല്‍, ജയസൂര്യ, ഉണ്ണി മുകുന്ദന്‍, അജു വര്‍ഗീസ് തുടങ്ങിയ നിരവധി താരങ്ങള്‍ ജനതാ കര്‍ഫ്യൂവിനെ പിന്തുണ അറിയിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ