അന്തരിച്ച ബോളിവുഡ് നടന്‍ ഇര്‍ഫാന്‍ ഖാന്റെ ഒരു മുൻകാല വിഡിയോ പങ്കുവച്ചിരിക്കുകയാണ് മകൻ ബബില്‍. കുടുംബവുമൊത്ത് സമയം ചിലവിടുന്ന താരത്തെയാണ് വിഡിയോയിൽ കാണാൻ കഴിയുക. വളരെ ആസ്വദിച്ച് പാനി പൂരി കഴിക്കുകയാണ് ഇർഫാൻ.
"ദീർഘനാളായ ഡയറ്റ് പിന്തുടരുകയും സിനിമയുടെ ചിത്രീകരണം അവസാനിച്ച് പാനി പൂരി കഴിക്കാൻ അനുവാദം കിട്ടുകയും ചെയ്താൽ"... എന്ന് കുറിച്ചാണ് അച്ഛനെക്കുറിച്ചുള്ള ഓർമ്മകൾ ബിബിൽ പങ്കുവച്ചത്.
വൻ കുടലിലെ അണുബാധയെ തുടര്‍ന്ന് ചികിത്സയിലിരിക്കെ ഏപ്രില്‍ 29-നാണ് ഇര്‍ഫാന്‍ മരണത്തിന് കീഴടങ്ങിയത്. അദ്ദേഹത്തിന്റെ മരണത്തിന് അനുശോചനം അറിയിച്ചവര്‍ക്കെല്ലാം നന്ദി പറഞ്ഞ് കഴിഞ്ഞ ദിവസം ബിബിൽ ഒരു കുറിപ്പ് പങ്കുവച്ചിരുന്നു. അച്ഛൻ ഓർമ്മകൾ പുതുക്കി ഒന്നിച്ചുള്ള ചിത്രം ഇളയമകൻ അയാനും സോഷ്യൽ മീഡിയയിൽ ഷെയർ ചെയ്യുകയുണ്ടായി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ