ഇന്ന് ഒന്നാം പിറന്നാൾ ആഘോഷിക്കുകയാണ് നടനും സംവിധായകനുമായ സൗബിൻ ഷാഹിറിന്റെ കൺമണി ഓർഹാൻ. മകന്റെ രസകരമായ ചിത്രങ്ങൾക്കൊപ്പമാണ് താരം പിറന്നാൾ ആശംസകൾ അറിയിച്ചിരിക്കുന്നത്. വിലമതിക്കാനാവാത്ത സമ്മാനമാണ് മകൻ എന്നാണ് താരം കുറിച്ചിരിക്കുന്നത്.
വിലമതിക്കാനാവാത്ത സമ്മാനം, ചേർത്തുപിടിക്കുന്ന അത്ഭുതം, ഈ ജന്മത്തിലെ നിധി. ഹാപ്പി ബർത്ത്ഡേ എന്റെ കുഞ്ഞ് ഓർഹാൻ. ഐലവ് യു- താരം കുറിച്ചു. സൗബിന്റെ കുഞ്ഞു സമ്മാനത്തിന് ആശംസയുമായി താരങ്ങൾ ഉൾപ്പടെ നിരവധി പേരാണ് രംഗത്തെത്തിയിരിക്കുന്നത്. സൗബിൻ ജൂനിയറിന് ബർത്ത്ഡേ ആശംസ അറിയിച്ച കുഞ്ചാക്കോ ബോബൻ കുഞ്ഞു ഇസയുടെ സ്നേഹവും പങ്കുവെച്ചിട്ടുണ്ട്.
നസ്രിയ, അന്ന ബെന്‍, ശ്രിന്ദ, സിജു വില്‍സണ്‍, കൃഷ്ണശങ്കര്‍, പാരിസ് ലക്ഷ്മി, ഗ്രേസ് ആന്റണി, മുഹ്‌സിന്‍ പരാരി, വിനയ് ഫോർട്ട് തുടങ്ങിയവരും ഓര്‍ഹാന് ജന്മദിനാശംസകൾ അറിയിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ