മകൻ തഹാന്റെ മാമോദീസ വിഡിയോ പുറത്തുവിട്ട് നടൻ ടൊവിനോ തോമസ്. അടുത്ത ബന്ധുക്കൾ മാത്രം പങ്കെടുത്ത ചടങ്ങിന്റെ മനോഹരമായ വിഡിയോയാണ് താരം ആരാധകർക്കായി പങ്കുവെച്ചത്. പള്ളിയിലും വീട്ടിലുമായിട്ടാണ് മാമോദീസ ചടങ്ങുകൾ നടന്നത്. 

സൂപ്പർഹാൻ ആയിട്ടാണ് കുഞ്ഞ് തഹാൻ എത്തുന്നത്. ടൊവിനോയുടേയും കുടുംബത്തിന്റേയും ചിത്രങ്ങൾകൊണ്ടും പൂക്കൾകൊണ്ടും അലങ്കരിച്ച സ്റ്റേജിലായിരുന്നു ചടങ്ങുകൾ. തഹാന്റെ കളിയും ഇസയുടെ കുറുമ്പുമെല്ലാം നിറഞ്ഞ വിഡിയോ ആരാധകരുടെ മനസു കീഴടക്കുകയാണ്. അനു​ഗ്രഹീതമായ ആ നിമിഷം എന്ന അടിക്കുറിപ്പിലാണ് വിഡിയോ പങ്കുവെച്ചത്. കോവിഡ് മാനദണ്ഡങ്ങൾ പാലിച്ചായിരുന്നു ചടങ്ങുകൾ.

കഴിഞ്ഞ ദിവസമായിരുന്നു മാമോദീസ നടന്നത്. അതിന്റെ ചിത്രങ്ങളും താരം സോഷ്യൽ മീഡിയയിൽ പങ്കുവെച്ചിരുന്നു. കഴിഞ്ഞ ജൂൺ 6–നാണ് ടൊവീനോ തോമസിനും ഭാര്യ ലിഡിയയ്ക്കും ആൺകുഞ്ഞ് പിറന്നത്. ടൊവീനോ തന്നെയാണ് സമൂഹമാധ്യമത്തിലൂടെ ആ സന്തോഷ വാർത്ത ആരാധകരോട് പങ്കു വച്ചത്. 2012 ൽ സിനിമയിൽ അരങ്ങേറ്റം കുറിച്ച ടൊവിനോ 2014–ലാണ് ലിഡിയയെ വിവാഹം ചെയ്യുന്നത്. ഇവർക്ക് ഇസ എന്നു പേരുള്ള ഒരു മകളുമുണ്ട്.

https://www.facebook.com/ActorTovinoThomas/posts/3926422930721032