തമിഴിലെ യുവ സംവിധായകൻ ദേസിംഗ് പെരിയസാമി വിവാഹിതനായി. നടി നിരഞ്ജനി അഹതിയന്‍ ആണ് വധു. ദുൽഖർ സൽമാൻ നായകനായി എത്തിയ തമിഴ് ചിത്രം കണ്ണും കണ്ണും കൊള്ളൈയടിത്താനി'ലൂടെയാണ് ദേസിം​ഗ് സംവിധായകനായി അരങ്ങേറ്റം കുറിക്കുന്നു. അതേ ചിത്രത്തിലെ ഉപനായികാ കഥാപാത്രം 'തേന്മൊഴി'യെ അവതരിപ്പിച്ച നടിയാണ് നിരഞ്ജനി. നവദമ്പതികൾക്ക് ആശംസകൾ അറിയിച്ചു കൊണ്ട് ദുൽഖർ സൽമാൻ മനോഹരമായ കുറിപ്പ് പങ്കുവെച്ചു. 

പോണ്ടിച്ചേരിയില്‍ വച്ചു നടന്ന വിവാഹത്തില്‍ കൊവിഡ് സാഹചര്യം പരിഗണിച്ച് അടുത്ത ബന്ധുക്കള്‍ക്കും സുഹൃത്തുക്കള്‍ക്കും മാത്രമായിരുന്നു ക്ഷണം. സിനിമാ സുഹൃത്തുക്കള്‍ക്കായി ചെന്നൈയില്‍ വരുംദിവസം ഒരു റിസപ്ഷന്‍ ഒരുക്കിയിട്ടുണ്ട്. നടി ആവുന്നതിനു മുന്‍പേ വസ്ത്രാലങ്കാര വിദഗ്‍ധ ആയിരുന്നു നിരഞ്ജനി സംവിധായകന്‍ അഹതിയന്‍റെ മകളാണ്.

കഴിഞ്ഞ വർഷമാണ് ദുൽഖറിനെ നായകനാക്കിക്കൊണ്ടുള്ള റൊമാന്‍റിക് ഹെയ്സ്റ്റ് കോമഡി ചിത്രമായ കണ്ണും കണ്ണും കൊള്ളൈയടിത്താല്‍ പുറത്തെത്തിയത്. ചിത്രത്തെ അഭിനന്ദിച്ചുകൊണ്ടുള്ള രജനീകാന്തിന്‍റെ ഫോണ്‍ സംഭാഷണം സോഷ്യല്‍ മീഡിയയില്‍ വൈറല്‍ ആയിരുന്നു. ഇതിനു പിന്നാലെ ദേസിംഗിന്‍റെ അടുത്ത ചിത്രത്തില്‍ രജനിയാണ് നായകനെന്നും റിപ്പോര്‍ട്ടുകള്‍ എത്തി. എന്നാല്‍ ഇതിന് ഇനിയും ഔദ്യോഗിക സ്ഥിരീകരണം വന്നിട്ടില്ല.