പ്രമുഖ വസ്ത്ര ബ്രാന്‍ഡായ സാറ അവതരിപ്പിച്ച പുതിയ ഒരു ഡിസൈന്‍ ഒരു മാസത്തോളമായി ഇന്റര്‍നെറ്റില്‍ വൈറലാണ്. ആം വാര്‍മേര്‍സ് ഗണത്തിലുള്ള ഈ ഫുള്‍ സ്ലീവ് ടര്‍ട്ടില്‍ നെക്ക് ഡിസൈനിന്റെ പ്രയോജനം തിരക്കിയാണ് കൂടുതല്‍ പേരും എത്തിയത്. ചിലരൊക്കെ സ്വെറ്റര്‍ മുറിച്ചെടുത്തതിന്റെ ബാക്കി കഷ്ണം എന്ന് പരിഹസിക്കുകയുമുണ്ടായി. എന്നാലിപ്പോള്‍ ബോളിവുഡ് നടി ദിഷ പഠാനി തന്നെ ഇതിന്റെ ഉപയോഗം കാണിച്ചിരിക്കുകയാണ്.
സ്ലീവ്‌ലെസ് ഓഫ് ഷോള്‍ഡര്‍ ടോപ്പിനൊപ്പമാണ് ദിഷ ഇവ ധരിച്ചത്. ആം വാര്‍മേഴ്‌സ് കൊണ്ടുള്ള ഗുണമെന്താണെന്ന സംശയം മാറിയിട്ടില്ലെങ്കിലും ദിഷയുടെ ലുക്കിന് ആരാധകര്‍ ഏറെയാണ്. അതേസമയം കുറഞ്ഞ വിലയില്‍ വാങ്ങിയ സ്വെറ്റര്‍ എന്ന പേരില്‍ നടിക്കും ട്രോള്‍ എത്തിയിട്ടുണ്ട്.
കഴിഞ്ഞ മാസം പുറത്തിറക്കിയ ആം വാര്‍മേഴ്‌സിന് 1790 രൂപയാണ് സാറ വിലയിട്ടിരിക്കുന്നത്. ഷോറൂമില്‍ വില്‍പനയ്ക്കായി സജ്ജമാക്കിയതിന്റെ ചിത്രമാണ് സോഷ്യല്‍ മീഡിയയില്‍ എത്തിയത്. പിന്നാലെ ട്രോളുകള്‍ നിറയുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ