ഷെയിൻ നി​ഗവും ആൻ ശീതളും പ്രധാന കഥാപാത്രങ്ങളാക്കി എത്തിയ ചിത്രമാണ് ഇഷ്ക്. മികച്ച അഭിപ്രായം നേടിയ ചിത്രം അന്യ ഭാഷകളിലും ശ്രദ്ധിക്കപ്പെട്ടിരുന്നു. ഇപ്പോൾ ചിത്രത്തിന്റെ തെലുങ്ക് റീമേക്ക് റിലീസിന് ഒരുങ്ങുകയാണ്. പ്രിയ വാര്യർ നായികയായി എത്തുന്ന ചിത്രം ഈ മാസം 30ന് തിയറ്ററിലൂടെയാണ് റിലീസ് ചെയ്യുന്നത്. കൊവിഡ് രണ്ടാം തരംഗത്തിനു പിന്നാലെ ആന്ധ്രയിലും തെലങ്കാനയിലും തുറക്കുന്ന തിയറ്ററുകളിലെ ആദ്യ റിലീസായാണ് ചിത്രം എത്തുക. 

 എസ് എസ് രാജു സംവിധാനം ചെയ്യുന്ന ചിത്രത്തില്‍ സജ്ജ തേജയാണ് നായകനായി എത്തുന്നത്. ഏപ്രില്‍ 23ന് തിയറ്റര്‍ റിലീസ് പ്രഖ്യാപിച്ചിരുന്ന ചിത്രമാണിത്. എന്നാല്‍ കൊവിഡ് രണ്ടാംതരംഗം കാരണം റിലീസ് നീട്ടിവെക്കേണ്ടിവന്നു. അതിനിടെ ചിത്രത്തിന്റെ റിലീസ് പ്രഖ്യാപിച്ചതിന് പിന്നാലെ ആശംസകളുമായി ഷെയിൻ നി​ഗം എത്തി. ചിത്രത്തിനായി കാത്തിരിക്കുന്നു എന്നാണ് താരം കമന്റായി കുറിച്ചത്.