മികച്ച കഥാപാത്രങ്ങൾകൊണ്ട് അമ്പരപ്പിക്കുന്ന നടനാണ് നന്ദു. ഇപ്പോൾ ആരാധകരെ അമ്പരപ്പിക്കുന്നത് താരത്തിന്റെ പുതിയ ഫോട്ടോഷൂട്ടാണ്. ഇതുവരെ കാണാത്ത ലുക്കിലാണ് നന്ദു എത്തുന്നത്. ഗംഭീര മേക്കോവറിൽ സ്റ്റൈലിഷ് ലുക്കിലുള്ളതാണ് ചിത്രങ്ങൾ.
പ്രമുഖ സെലിബ്രിറ്റി ഫോട്ടോഗ്രാഫറായ മഹാദേവൻ തമ്പിയാണ് ചിത്രങ്ങൾക്കു പിന്നിൽ. ഷൂട്ടിന്റെ അണിയറ വിഡിയോയും പുറത്തുവന്നു. നന്ദുവിനെ ഇതുപോലുള്ള ലുക്കിൽ ആരും ചിന്തിക്കാത്തതുകൊണ്ടാണ് മേക്കോവർ ഫോട്ടോഷൂട്ട് നടത്തിയത് എന്നാണ് മഹാദേവൻ തമ്പി പറയുന്നത്. മേക്കോവർ ഫോട്ടോഷൂട്ട് നടത്തിയതിൽ നന്ദുവും സന്തോഷം പങ്കുവെച്ചു.
സിനിമാ രംഗത്ത് പ്രശംസ്തനായ മേക്കപ്പ് ആർട്ടിസ്റ്റായ നരസിംഹസ്വാമിയാണ് നന്ദുവിനെ സ്റ്റൈലിഷാക്കിയത്. ഭക്തവത്സലനാണ് സ്റ്റൈലിങ്. സജാദ് അബ്ദുൾഖാദറാണ് വേഷം ഒരുക്കിയത്. എന്തായാലും നന്ദുവിന്റെ ചിത്രങ്ങൾ ആരാധകർ ആഘോഷമാക്കുകയാണ്. ഹോളിവുഡ് നടനെപ്പോലെ ഉണ്ടെന്നും ഈ മേക്കോവറിൽ നന്ദു ചേട്ടൻ ഒരു സിനിമ ചെയ്യണമെന്നുമാണ് ആരാധകരുടെ കമന്റുകൾ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ