മലയാളത്തിലെ കഴിവുറ്റ നടിമാരാണ് റിമ കല്ലിങ്കലും രമ്യാ നമ്പീശനും. അഭിനയത്തില്‍ മാത്രം ഒതുങ്ങി നില്‍ക്കുന്നവരല്ല ഇവര്‍. നൃത്തത്തിലും സംഗീതത്തിലുമെല്ലാം കഴിവ് തെളിയിച്ചിട്ടുണ്ട്. മലയാളത്തിലും തമിഴിലും ഉള്‍പ്പടെ നിരവധി ചിത്രങ്ങളില്‍ രമ്യാ നമ്പീശന്‍ പാട്ടു പാടിയിട്ടുണ്ട്. ഇപ്പോള്‍ സോഷ്യല്‍ മീഡിയയില്‍ ഹിറ്റാവുന്നത് പാട്ടുപടിക്കാന്‍ സിംഹത്തിന്റെ മടയിലെത്തിയ റിമയുടേയും രമ്യയുടേയും വിഡിയോ ആണ്.
ശാസ്ത്രീയ സംഗീതം പഠിക്കാനിരിക്കുന്ന രമ്യാ നമ്പീശനും റിമ കല്ലിങ്കലുമാണ് വിഡിയോയില്‍. സ്വരങ്ങള്‍ പാടിക്കൊണ്ടിരിക്കുന്നതിനിടയില്‍ പവനരച്ചെഴുതുന്ന സൂര്യോദയം എന്ന ഗാനം ഇടയില്‍ കയറി വരികയാണ്. ഇരുവരും ഒന്നിച്ച് മനോഹരമായി ഗാനമാലപിക്കുന്നതാണ് വിഡിയോയില്‍. ഞങ്ങള്‍, ഒന്ന് പാട്ടുപഠിക്കാനായി സിംഹത്തിന്റെ മടയില്‍ പോയതാ. സംഗീത സിംഹങ്ങള്‍- എന്ന അടിക്കുറിപ്പിലാണ് വിഡിയോ. റിമ കല്ലിങ്കലും രമ്യ നമ്പീശനും ഇപ്പോള്‍ ഒന്നിച്ച് അവധി ആഘോഷത്തിലാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ