നിയമസഭാ തിരഞ്ഞെടുപ്പിന് ദിവസങ്ങൾ മാത്രം അവശേഷിക്കെ തന്റെ പേരിൽ പ്രചരിക്കുന്ന വ്യാജ വാർത്തയ്ക്കെതിരെ രംഗത്തെത്തിയിരിക്കുകയാണ് നടനും സംവിധായകനുമായ കലാഭവൻ ഷാജോൺ. ഷാജോൺ കോൺഗ്രസിൽ ചേർന്നുവെന്ന രീതിയിൽ വാർത്തകൾ പ്രചരിച്ചതോടെയാണ് ഇക്കാര്യത്തിൽ വ്യക്തത വരുത്തിയിരിക്കുന്നത്.
"ഞാൻ ഒരു പാർട്ടിയിലും ചേർന്നിട്ടില്ല ! ഇലക്ഷൻ സമയങ്ങളിൽ കണ്ടുവരുന്ന വ്യാജ വാർത്തകൾ ആരും വിശ്വസിക്കരുത്", എന്നാണ് ഫേസ്ബുക്കിൽ കലാഭവൻ ഷാജോൺ കുറിച്ചിരിക്കുന്നത്.
കെ ബി ഗണേഷ് കുമാർ, മുകേഷ്, സുരേഷ് ഗോപി, കൃഷ്ണകുമാർ, ധർമ്മജൻ ബോൾഗാട്ടി, വിവേക് ഗോപൻ, പ്രിയങ്ക അനൂപ്, ദലീമ എന്നിങ്ങനെ സിനിമാ സീരിയൽ മേഖലയിൽ നിന്ന് നിരവദിപ്പേർ ഇക്കുറി ജനവിധി തേടുന്നുണ്ട്. ഇതിനിടയിലാണ് ഷാജോൺ കോൺഗ്രസിൽ ചേർന്നെന്ന വാർത്ത വന്നത്. ഷാജോണിൻറെ കുടുംബസമേതമുള്ള ചിത്രം പങ്കുവെച്ചാണ് വാർത്തകൾ പ്രചരിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ