ടൊവിനോ തോമസും ബേസിൽ ജോസഫും ഒന്നിച്ച ഗോഥ മികച്ച വിജയമാണ് നേടിയത്. ഗുസ്തിയെക്കുറിച്ച് പറഞ്ഞ ചിത്രം നാലു വർഷം പൂർത്തിയാക്കുകയാണ്. ഇപ്പോൾ സ്പെഷ്യൽ ഡേയിൽ ബേസിൽ ഇൻസ്റ്റഗ്രാമിൽ പങ്കുവെച്ച വിഡിയോയാണ് ഹിറ്റാകുന്നത്. ഗോഥ ഷൂട്ടിങ്ങിന് ഇടയിലെ രസകരമായ ലൊക്കേഷൻ വിഡിയോ ആണ് ബേസിൽ പോസ്റ്റ് ചെയ്തിരിക്കുന്നത്.
ബേസിലിനെ പൊക്കിയെടുക്കുന്ന ടൊവിനോയാണ് വിഡിയോയിൽ. ടൊവിനോ തോമസ് ഒരു കില്ലാഡി തന്നെ, ഗോഥയ്ക്ക് നാലു വർഷം എന്ന കാപ്ഷനിലൂടെയാണ് പോസ്റ്റ്. ചിരിക്കുന്ന ഇമോജിയാണ് വിഡിയോയ്ക്ക് താഴെ ടൊവിനോ കമന്റ് ചെയ്തത്. രസകരമായ വിഡിയോ ആരാധകർ ഏറ്റെടുത്തതോടെ സോഷ്യൽ മീഡിയയിൽ വൈറലായി.
അതിനിടെ പോസ്റ്റിന് താഴെ പരാതിയുമായി ചിത്രത്തിന്റെ നായിക വാമിഖ ഗബ്ബിയും എത്തി. ആനിവേഴ്സറി പോസ്റ്റിൽ തന്നെ ടാഗ് ചെയ്യാതിരുന്നതാണ് വാമിഖയെ ചൊടിപ്പിച്ചത്. ഹായ്, എന്നെ ടാഗ് ചെയ്യാത്തതിന് നന്ദി, വളരെ നല്ല കാര്യം എന്നായിരുന്നു കമന്റ്. അതോടെ വാമിഖയ്ക്ക് പിന്തുണയുമായി നിരവധി ആരാധകരും എത്തി. നടിയെ ഒഴിവാക്കിയത് ശരിയായില്ലെന്ന് ഇങ്ങനെ ഒരാളെ വേദനിപ്പിക്കരുതായിരുന്നു എന്നുമാണ് ആരാധകരുടെ കമന്റ്.
ടൊവിനോയും ബേസിലും ഒന്നിക്കുന്ന മിന്നൽ മുരളിക്ക് ആശംസകളുമായി നിരവധി പേർ എത്തുന്നുണ്ട്. സൂപ്പർഹീറോയുടെ കഥ പറയുന്ന ചിത്രം വിവിധ ഭാഷകളിലാണ് റിലീസ് ചെയ്യുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ