തെന്നിന്ത്യന്‍ സൂപ്പര്‍താരം കമല്ഹാസന് ഇന്ന് പിറന്നാള്‍ ആഘോഷിക്കുകയാണ്. നിരവധി പേരാണ് ഉലകനായകന് പിറന്നാള്‍ ആശംസകളുമായി എത്തുന്നത്. നടന്‍ ഫഹദ് ഫാസിലും കമല്ഹാസന് ആശംസകള്‍ നേര്‍ന്നു. കമല്‍ഹാസനൊപ്പമുള്ള മനോഹരമായ ചിത്രത്തിനൊപ്പമാണ് താരത്തിന്റെ പോസ്റ്റ്.
ഫഹദ് ഫാസിലിന്റെ കുറിപ്പ്
സെറ്റിലെ ഏറ്റവും ചെറുപ്പക്കാരനായ ആണ്‍കുട്ടിക്ക് സന്തോഷകരമായ ജന്മദിനാശംസകള്‍. കഥകള്‍ക്കും ചിരികള്‍ക്കും നന്ദി. സ്‌നേഹത്തിന് നന്ദി. പഠിപ്പിച്ചുതന്ന പാഠങ്ങള്‍ക്കു നന്ദി. സിനിമയെടുക്കുന്നതിനും നന്ദി. ഇന്ത്യന്‍ സിനിമ പൂര്‍ണമാക്കുന്നതിനും നന്ദി. എല്ലാത്തിലും ഏറ്റവും മികച്ചതുതന്നെ ലഭിക്കട്ടെയെന്ന് ആശംസിക്കുന്നു. ഹാപ്പി ബര്‍ത്ത്‌ഡേ കമല്‍ സാര്‍.- ഫഹദ് ഫാസില്‍ കുറിച്ചു.
കമലിനൊപ്പം ഫഹദും സേതുപതിയും
ലോകേഷ് കനകരാജ് സംവിധാനം ചെയ്യുന്ന വിക്രമില്‍ കമല്‍ ഹാസനും ഫഹദ് ഫാസിലും ഒന്നിച്ചാണ് അഭിനയിക്കുന്നത്. കമല്‍ ഹാസനൊപ്പമുള്ള നിരവധി ചിത്രങ്ങളാണ് ഇതിനോടകം ഫഹദ് പങ്കുവച്ചിരിക്കുന്നത്. ഇരുവര്‍ക്കുമൊപ്പം വിജയ് സേതുപതിയും പ്രധാന വേഷത്തിലെത്തുന്നുണ്ട്. സിനിമാപ്രേമികള്‍ വളരെ പ്രതീക്ഷയോടെ കാത്തിരിക്കുന്ന ചിത്രമാണ് വിക്രം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ