റേഞ്ച് റോവർ സ്പോർട്സ് ബ്ലാക്ക് എഡിഷൻ സ്വന്തമാക്കിയിരിക്കുകയാണ് നടിയും അവതാരകയുമായ നൈല ഉഷ. മകനൊപ്പം എത്തി പുതിയ കാർ സ്വന്തമാക്കുന്നതിന്റെ ചിത്രങ്ങൾ നൈല തന്നെയാണ് സമൂഹമാധ്യമങ്ങളിൽ പോസ്റ്റ് ചെയ്തത്. 

"സേ ഹലോ ടൂ മൈ ന്യൂ റൈഡ്" എന്ന ക്യാപ്ഷനിലാണ് താരം ഇൻസ്റ്റയിൽ ചിത്രങ്ങൾ പോസ്റ്റ് ചെയ്തത്. നേരത്തെ വെള്ള നിറത്തിലുള്ള ഔഡി എ7 ആയിരുന്നു നൈലയ്ക്ക് സ്വന്തമായി ഉണ്ടായിരുന്ന വാഹനം.

റേഡിയോ ജോക്കിയായി ജോലി ചെയ്യുന്നതിനിടെ മമ്മൂട്ടിയുടെ നായികയായി ‘കുഞ്ഞനന്തന്റെ കട’ എന്ന ചിത്രത്തിലൂടെയാണ് നൈല സിനിമയിൽ അരങ്ങേറ്റം കുറിച്ചത്.  ഗ്യാങ്ങ്സ്റ്റർ, ഫയർമാൻ, പത്തേമാരി തുടങ്ങിയ മമ്മൂട്ടി ചിത്രങ്ങളിലും നൈല അഭിനയിച്ചു. ജോഷി സംവിധാനം ചെയ്ത ‘പൊറിഞ്ചു മറിയം ജോസ്’ ആണ് നൈലയുടെ അവസാനം തിയേറ്ററുകളിലെത്തിയ ചിത്രം.