ആഡംബര കപ്പലിലെ ലഹരി പാർട്ടിക്കിടെ ആര്യൻ ഖാൻ അറസ്റ്റിലായതിന് പിന്നാലെ വാർത്തകളിൽ നിറയുകയാണ് ​ഷാരുഖ് ഖാനും ഭാര്യ ​ഗൗരി ഖാനും. ഇതിനിടയിലാണ് ഗൗരിയുടെ ജന്മദിനവും വന്ന് ചേരുന്നത്. അമ്മയ്ക്ക് പിറന്നാൾ ആശംസിച്ച് മകൾ സുഹാന ചിത്രം പങ്കുവച്ചു. 'ഹാപ്പി ബർത്ത്ഡേ മാ' എന്നാണ് ഷാരൂഖിന്റെയും ​ഗൗരിയുടെയും ചിത്രം പങ്കുവച്ച് സുഹാന കുറിച്ചത്. 

ബോളിവുഡ് സംവിധായിക ഫറാ ഖാനും ​ഗൗരിക്ക് ആശംസകൾ നേർന്നിട്ടുണ്ട്. "ഒരു അമ്മയുടെ ശക്തി മറ്റൊന്നിനുമില്ല. മാതാപിതാക്കളുടെ പ്രാർഥനയ്ക്ക് പർവതത്തെ നീക്കാനും കടലിനെ വഴി മാറ്റാനും സാധിക്കും.ഏറ്റവും ശക്തയായ അമ്മയ്ക്കും സ്ത്രീക്കും ജന്മദിനാശംസകൾ നേരുന്നു. ആ കരുത്തിന് കഴിഞ്ഞ ആഴ്ചയിൽ ഞാൻ വ്യക്തിപരമായി സാക്ഷിയായതാണ്. ഇന്ന് നിങ്ങൾക്ക് മികച്ച ജന്മദിന സമ്മാനം ആശംസിക്കുന്നു", ഫറ ഖാൻ കുറിച്ചു. 

ആര്യന് ജാമ്യം ലഭിക്കുന്ന കാര്യത്തിൽ വാദം കേൾക്കുന്നത് ഇന്നാണ്.