മലപ്പുറം: മോഹന്ലാല് നായകനായ 'ആറാട്ട്' കഴിഞ്ഞ ദിവസമാണ് തിയേറ്ററുകളില് എത്തിയത്. അതിനിടെ സിനിമയ്ക്കെതിരെ സാമൂഹിക മാധ്യമങ്ങളിലൂടെ വ്യാജ പ്രചാരണമെന്ന് പരാതി നല്കിയിരിക്കുകയാണ് തിയേറ്റര് ഉടമ.
മലപ്പുറം കോട്ടക്കലിലെ തിയേറ്റര് ഉടമയാണ് പൊലീസില് പരാതി നല്കിയത്. പിന്നാലെ പൊലീസ് അഞ്ച് പേര്ക്കെതിരെ കേസെടുത്തു. ഫെബ്രുവരി 18നാണ് ആറാട്ട് റിലീസ് ചെയ്തത്. മികച്ച പ്രതികരണം നേടിയ ചിത്രത്തെ പ്രശംസിച്ച് നിരവധി പേരാണ് എത്തുന്നത്. അതിനിടയില് സിനിമക്കെതിരെ ചില വ്യാജ പ്രചാരണങ്ങളും പുറത്തുവന്നിരുന്നു.
ബി ഉണ്ണികൃഷ്ണന് മോഹന്ലാലിനെ നായകനാക്കി ഒരുക്കിയ ചിത്രമാണ് ആറാട്ട്. ഉദയകൃഷ്ണയാണ് തിരക്കഥ. നെയ്യാറ്റിന്കര ഗോപന് എന്ന കഥാപാത്രമായാണ് മോഹന്ലാല് എത്തുന്നത്. ശ്രദ്ധ ശ്രീനാഥ് ആണ് മോഹന്ലാലിന്റെ നായികയായി എത്തുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ