കമല്‍ഹാസന്റെ വിക്രം ബോക്‌സ് ഓഫിസ് റെക്കോര്‍ഡുകള്‍ കീഴടക്കി മുന്നേറുകയാണ് വിക്രം. ദിവസങ്ങള്‍ക്കു മുന്‍പാണ് ചിത്രം 300 കോടി ക്ലബ്ബില്‍ കയറിയത്. ഇപ്പോള്‍ തമിഴ്‌നാട്ടില്‍ ബോഹുബലി 2ന്റെ റെക്കോര്‍ഡുകള്‍ തകര്‍ത്തിരിക്കുകയാണ്.
തമിഴ്‌നാട്ടില്‍ നിന്നു മാത്രം 150 കോടി രൂപയാണ് ചിത്രം വാരിയത്. ഇതോടെ തമിഴ്‌നാട് ബോക്‌സ് ഓഫിസില്‍ നിന്ന് ഏറ്റവും കളക്ഷന്‍ നേടുന്ന സിനിമയായിരിക്കുകയാണ് വിക്രം. അഞ്ച് വര്‍ഷം ബാഹുബലി 2ന്റെ കയ്യില്‍ ഭദ്രമായിരുന്ന റെക്കോര്‍ഡാണ് 16ാം ദിനം വിക്രം തകര്‍ത്തത്. കഴിഞ്ഞ 10 വര്‍ഷത്തിലെ കമല്‍ഹാസന്റെ ഏറ്റവും മികച്ച തിരിച്ചുവരവു കൂടിയാണ് ചിത്രം.
ലോകേഷ് കനകരാജ് സംവിധാനം ചെയ്തം ചിത്രം വന്‍ താരനിരയിലാണ് ഒരുങ്ങിയത്. കമല്‍ഹാസനൊപ്പം ഫഹദ് ഫാസിലും വിജയ് സേതുപതിയുമാണ് പ്രധാന േേവഷത്തിലെത്തുന്നത്. തമിഴ് സൂപ്പര്‍താരം സൂര്യ അതിഥി വേഷത്തില്‍ എത്തി ആരാധകരെ ഞെട്ടിച്ചിരുന്നു.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ