മലയാളത്തിന്റെ ഇഷ്ട നായികയാണ് ദർശന രാജേന്ദ്രൻ. പ്രണവിന്റെ നായികയായി ഹൃദയം സിനിമയിൽ എത്തിയതോടെ ദർശനയ്ക്ക് ആരാധകരേറി. കഴിഞ്ഞ ദിവസം ദർശനയുടെ ജന്മദിനമായിരുന്നു. സഹതാരങ്ങൾ ഉൾപ്പടെ നിരവധി പേരാണ് താരത്തിന് ആശംസകൾ അറിയിച്ചത്. ഇപ്പോൾ സോഷ്യൽ മീഡിയയിൽ ചിരി നിറയ്ക്കുന്ന നടൻ റോഷൻ മാത്യു പങ്കുവച്ച ദർശനയുടെ ഒരു വിഡിയോ ആണ്.
കിയിലിനെ കൂവി തോൽപ്പിക്കുന്ന ദർശനയെയാണ് വിഡിയോയിൽ കാണുന്നത്. കുയിലിനെ തോൽപ്പിച്ച ശേഷം ദർശന തന്റെ വിജയം ആഘോഷിക്കുന്നതും കാണാം. ഹാപ്പി ബർത്ത്ഡേ വിന്നർ എന്ന കുറിപ്പിലാണ് വിഡിയോ പങ്കുവച്ചിരിക്കുന്നത്. നിരവധി പേരാണ് വിഡിയോയ്ക്ക് കമന്റുമായി എത്തുന്നത്.
ദർശനയുടെ പിറന്നാൾ ആഘോഷവും രസകരമായിരുന്നു. ജയജയജയഹേ മൂവിയുടെ സെറ്റിലായിരുന്നു പിറന്നാളാഘോഷം. ചക്കയാണ് ദർശനയ്ക്ക് പിറന്നാൾ സമ്മാനമായി നൽകിയത്. വലിയ കത്തി ഉപയോഗിച്ച് ചക്ക വെട്ടുന്നതിന്റെ വിഡിയോയും താരം ഇൻസ്റ്റഗ്രാമിൽ പോസ്റ്റ് ചെയ്തിട്ടുണ്ട്. കേക്കിനേക്കാൾ മികച്ചതാണ് ചക്ക എന്നാണ് ദർശന പറയുന്നത്.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ