ഗ്ലാമറസ് ചിത്രങ്ങളിലൂടെ ആരാധകരെ അമ്പരപ്പിക്കാറുള്ള നടിയാണ് ശ്രുതി ഹാസൻ. എന്നാൽ ഇപ്പോൾ താരം പങ്കുവച്ച ചിത്രങ്ങൾ ആരാധകരെ ഞെട്ടിച്ചിരിക്കുകയാണ്. മുഖവും ചുണ്ടുകളും നീരുവന്നു വീർത്ത് നിറകണ്ണുകളുമായി ഇരിക്കുന്ന ശ്രുതിയെയാണ് ചിത്രങ്ങളിൽ കാണുന്നത്. തന്റെ ജീവിതത്തിലെ മോശം ദിനങ്ങളെ അടയാളപ്പെടുത്താനാണ് താരം ഈ ചിത്രങ്ങൾ പങ്കുവച്ചത്.
‘‘മികച്ച സെൽഫികളുടേയും പോസ്റ്റുകളുടേയും ലോകത്ത്... ഫൈനൽ കട്ടിൽ എത്താത്തവ ഇതാ.. ബാഡ് ഹെയർ ഡെ, പനി, സൈനസ് മൂലം മുഖം വീർത്ത ദിവസം, ആർത്തവ വിരാമ ദിവസം... ഇവയും നിങ്ങൾ ആസ്വദിക്കുമെന്ന് പ്രതീക്ഷിക്കുന്നു.’’- എന്ന അടിക്കുറിപ്പിലാണ് ചിത്രങ്ങൾ. പോസ്റ്റിന് താഴെ നിരവധി പേരാണ് ശ്രുതിയെ പ്രശംസിച്ചുകൊണ്ട് എത്തിയിരിക്കുന്നത്. ഇത്തരം അവസ്ഥകളെ നോർമലൈസ് ചെയ്തതിന് നന്ദിപറയുകയാണ് കൂടുതൽ പേരും.
അതിനിടെ ചിത്രങ്ങൾ വൈറലായതോടെ ആരാധകരിൽ ചിലർ ശ്രുതിയുടെ ആരോഗ്യത്തിലുള്ള ആശങ്ക പ്രകടിപ്പിച്ചു. എന്നാൽ പേടിക്കേണ്ടതായി ഒന്നുമില്ലെന്നും കാര്യങ്ങൾ പഴയതുപോലെയായെന്നും ശ്രുതി ഒരു ആരാധികയുടെ കമന്റിന് മറുപടിയായി പറഞ്ഞു. താന്‍ ഇനിയും മെന്റല്‍ ഹെല്‍ത്തിനെക്കുറിത്തും മെന്‍സ്ട്രല്‍ ഹെല്‍ത്തിനെക്കുറിച്ചുമെല്ലാം പറഞ്ഞുകൊണ്ടിരിക്കുമെന്നും താരം വ്യക്തമാക്കി. തന്റെ ശരീരത്തെക്കുറിച്ചോ മനസിനെക്കുറിച്ചോ ആരും അഭിപ്രായം പറയേണ്ടതില്ലെന്നും താരം ശ്രുതി ഓര്‍മിപ്പിച്ചു. സമൂഹത്തിന്റെ ഭാഗമായി കാണുന്ന മോശം കമന്റുകള്‍ ഇവിടെ ആരും പോസ്റ്റ് ചെയ്യരുതെന്നും താരം പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ