നടനായും സംവിധായകനായും നിർമാതാവായുമൊക്കെ സിനിമ ആരാധകരുടെ പ്രിയ താരമാണ് പൃഥ്വിരാജ്. തന്റെ ഓരോ വിശേഷവും താരം സമൂഹമാധ്യമങ്ങളിലൂടെ ആരാധകരെ അറിയിക്കാറുണ്ട്. എന്നാൽ ഫെയ്‌സ് ബുക്കിൽ പുതിയ തുടക്കമെന്ന് മാത്രം എഴുതി പുറം തിരിഞ്ഞ് നിൽക്കുന്ന താരത്തിന്റെ ചിത്രം ആരാധകരെ ആകെ കുഴപ്പിച്ചിരിക്കുകയാണ്.

എന്തിനുള്ള തുടക്കമാണെന്നുള്ള തെരച്ചിലിലാണ് ആരാധകർ ഇപ്പോൾ. ചിത്രം വൈറലായതോടെ സമൂഹമാധ്യമങ്ങളിലും ചർച്ച തുടങ്ങി. ചിലരുടെ അഭിപ്രായത്തിൽ പൃഥ്വിരാജ് സംവിധാനം ചെയ്യുന്ന എമ്പരാനെ കുറിച്ചാണെന്നാണ്. ചിലർ കാളിയൻ എന്ന ചിത്രം തുടങ്ങുകയാണോയെന്നാണ് ചോദിക്കുന്നത്. മറ്റുചിലർ ആടുജീവിതത്തെ കുറിച്ചായിരിക്കുമെന്നാണ് സംശയം പ്രകടിപ്പിച്ചത്.

ഷാജി കൈലാസ് സംവിധാനം ചെയ്ത കാപ്പ എന്ന സിനിമയാണ് താരത്തിന്റെ പുറത്തിറങ്ങിയ ഏറ്റവും പുതിയ ചിത്രം. അപർണ ബാലമുരളിയായിരുന്നു ചിത്രത്തിലെ നായിക. ഇന്ദുഗോപന്റെ ശംഖുമുഖി എന്ന നോവലിനെ അടിസ്ഥാനപ്പെടുത്തിയാണ് ചിത്രത്തിന്റെ തിരക്കഥ ഒരുക്കിയത്.

ഈ വാര്‍ത്ത കൂടി വായിക്കൂ 

ആവേശത്തിന് ഒട്ടും കുറവില്ല, 'നാട്ടു നാട്ടു' ​ഗാനത്തിനൊപ്പം ഡാൻസ് ചെയ്‌ത് തകർത്ത് പാക് നടി- വിഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ