മുംബൈ: 11 ഇന്ത്യന്‍ ക്രൂ മെംബേഴ്‌സുള്‍പ്പടെയള്ള കാര്‍ഗോ കപ്പല്‍ സൊമാലിയന്‍ കടല്‍കൊള്ളക്കാര്‍ തട്ടിയെടുത്തു. കഴിഞ്ഞ ദിവസം തട്ടിയെടുത്ത കപ്പല്‍ സൊമാലിയന്‍ തീരം ലക്ഷ്യമാക്കി പോയിക്കൊണ്ടിരിക്കുകയാണെന്ന് ഡയറക്ടറേറ്റ് ജനറല്‍ ഓഫ് ഷിപ്പിംഗ് (ഡിജിഎസ്) വ്യക്തമാക്കി.
ദുബായില്‍ നിന്നും യമനിലേക്കുള്ള യാത്ര മധ്യേയാണ് ഇന്ത്യന്‍ കൊടിയുള്ള ചെറിയ വാണിജ്യ കപ്പല്‍ കടല്‍ കൊള്ളക്കാര്‍ തട്ടിയെടുത്തതെന്ന് ഡിജിഎസ് മാലിനി ശങ്കര്‍ അറിയിച്ചു. കപ്പലിലുള്ള കാര്‍ഗോയിലാകാം കടല്‍കൊള്ളക്കാര്‍ക്ക് നോട്ടം. ഇതുവരെ ഇവര്‍ ആവശ്യങ്ങളൊന്നും ഉന്നയിച്ചിട്ടില്ല. കാര്‍ഗോയുമായി ബന്ധപ്പെട്ട് വിവരങ്ങള്‍ ഇതുവരെ ലഭ്യമായിട്ടില്ല. അവര്‍ കൂട്ടിച്ചേര്‍ത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ