ന്യൂഡല്‍ഹി: ദക്ഷിണേന്ത്യക്കാര്‍ക്കെതിരായ ബിജെപി നേതാവ് തരുണ്‍ വിജയിയുടെ വംശീയ പരാമര്‍ശത്തില്‍ വിമര്‍ശനവുമായി കോണ്‍ഗ്രസ് നേതാവും മുന്‍ കേന്ദ്ര മന്ത്രിയുമായ പി.ചിദംബരം. ആര്‍എസ്എസുകാരും ബിജെപിക്കാരും മാത്രമാണോ ഇന്ത്യക്കാരെന്ന് ചിദംബരം ചോദിച്ചു.
ഞങ്ങള്‍ കറുത്ത വശംജരോടൊപ്പം ജീവിക്കുന്നുണ്ടെന്നാണ് തരുണ്‍ വിജയിയുടെ പരാമര്‍ശം. ഇതില്‍ 'ഞങ്ങള്‍'എന്നതില്‍ ഉള്‍പ്പെടുന്നത് ആരൊക്കെയാണ്? ആര്‍എസ്എസ്, ബിജെപി പ്രവര്‍ത്തകരെ മാത്രമാണോ തരൂണ്‍ ഇന്ത്യക്കാരായി കണക്കാക്കിയിരിക്കുന്നതെന്നും ട്വിറ്ററിലൂടെ ചിദംബരം ചോദിച്ചു.
അല്‍ജസീറ ചാനലിന് നല്‍കിയ അഭിമുഖത്തിലായിരുന്നു തരുണ്‍ വിജയിയുടെ
വിവാദ പ്രസ്താവന. ഇന്ത്യക്കാര്‍ വംശീയ വിദ്വേഷമുള്ളവരല്ലെന്ന് വ്യക്തമാക്കുന്നതിനായിരുന്നു, തങ്ങള്‍ ഉത്തരേന്ത്യക്കാര്‍ കറുത്തവരായ ദക്ഷിണേന്ത്യക്കാരോടൊപ്പം ജീവിക്കുന്നുണ്ടെന്ന ഉദാഹരണം തരുണ്‍ വിജയ് മുന്നോട്ടുവെച്ചത്. എന്നാല്‍ വ്യാപക പ്രതിഷേധമാണ് തരുണ്‍ വിജയിയുടെ വിവാദ പ്രസ്താവനയ്‌ക്കെതിരെ ഉയര്‍ന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ