ചെന്നൈ: ജലം സംരക്ഷിക്കാന്‍ വഴി കണ്ടുപിടിച്ചാണ് തമിഴ്‌നാട് മന്ത്രിസഭയില്‍ അംഗമായ സെല്ലൂര്‍.കെ.രാജു മാധ്യമപ്രവര്‍ത്തകരേയും കൂട്ടി മധുരൈയിലെ വൈഗൈ ഡാമിലെത്തിയത്. മന്ത്രിയുടെ പ്ലാന്‍ കണ്ട മാധ്യമപ്രവര്‍ത്തകര്‍ ഒന്നു ഞെട്ടി.
നീരാവിയായി ജലം പോകാതിരിക്കാന്‍ തെര്‍മോകോള്‍ ഉപയോഗിച്ച് ഡാം മൂടുകയാണ് ജലസംരക്ഷണത്തിന് മന്ത്രി കണ്ടുപിടിച്ച വഴി. വിദേശ രാജ്യങ്ങളില്‍ ജലം ആവിയായി പോകാതിരിക്കാന്‍ ഈ വഴിയാണ് ഉപയോഗിക്കുന്നതെന്നും മന്ത്രി പറയുന്നു.
എന്നാല്‍ തമിഴ്‌നാട്ടിലെ കാറ്റ് മന്ത്രിയുടെ മണ്ടന്‍ പദ്ധതി പൊളിച്ചു. സെല്ലോട്ടേപ്പ് ഉപയോഗിച്ച് പരസ്പരം ബന്ധിപ്പിച്ചിട്ട തെര്‍മോകോളുകള്‍ ശക്തമായ കാറ്റില്‍ നാലുപാടും ചിതറി. എന്നിട്ടും തോല്‍വി സമ്മതിക്കാന്‍ തയ്യാറാകാതെ മന്ത്രി തന്നെ ഡാമിലെ വെള്ളത്തിന് മുകളില്‍ തെര്‍മോകോള്‍ നിരത്താനിറങ്ങി. പക്ഷെ മന്ത്രിക്ക് തോറ്റ് പിന്മാറേണ്ടി വന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ