ഹൈദരാബാദ്: സിനിമാ തിയേറ്ററില്‍ ദേശീയഗാനം സംപ്രേഷണം ചെയ്തപ്പോള്‍ എഴുന്നേല്‍ക്കാത്തതിന് മൂന്ന് കശ്മീര്‍ വിദ്യാര്‍ത്ഥികള്‍ അറസ്റ്റില്‍. എന്‍ജിനീയറിങ് വിദ്യാര്‍ത്ഥികളായ ജമീല്‍ ഗുല്‍, ഒമര്‍ ഫയിസ് ലൂണി, മുദാസിര്‍ ഷാബിര്‍ എന്നിവരാണ് അറസ്റ്റിലായത്.
ശനിയാഴ്ച വൈകീട്ടാണ് ഇവര്‍ മന്ത്രാ മാളിലെ സിനിപോളിസില്‍ ബരേലി കി ബര്‍ഫി എന്ന സിനിമ കാണാനെത്തിയത്. ചിത്രം തുടങ്ങുന്നതിന് മുന്‍പ് ദേശീയഗാനം പ്രേഷണം ചെയ്തപ്പോള്‍ ഇവര്‍ എഴുന്നേറ്റിരുന്നില്ല. തുടര്‍ന്ന് തിയേറ്റര്‍ മാനേജ്‌മെന്റിന്റെ പരാതിയെത്തുടര്‍ന്ന് ഇവരെ പൊലീസ് അറസ്റ്റ് ചെയ്യുകയായിരുന്നു. ദേശീയവികാരം വൃണപ്പെടുത്തി എന്നതാണ് ഇവര്‍ക്കെതിരെ ചുമത്തിയിരിക്കുന്ന കേസ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ