രാജ്യത്തെ വടക്ക്, കിഴക്ക് സംസ്ഥാനങ്ങളിലുള്ള മക്‌ഡൊനാള്‍ഡ് റെസ്‌റ്റൊറന്റുകള്‍ ഉടനെ പൂട്ടിയേക്കുമെന്ന് വാര്‍ത്ത. യുഎസ് ആസ്ഥാനമായുള്ള കമ്പനി ഫ്രാഞ്ചൈസി എഗ്രിമെന്റ് റദ്ദാക്കുമെന്ന് അറിയിച്ചതിനെതുടര്‍ന്നാണിത്.
മക് ഡോണാള്‍ഡ്‌സ് ഇന്ത്യ പ്രൈവറ്റ് ലിമിറ്റഡ്, വിക്രം ബക്ഷിയുടെ കൊണാട്ട് പ്ലാസ റസ്‌റ്റൊറന്റസ് ലിമിറ്റഡ് എന്നിവയ്ക്കാണ് ഈ സംസ്ഥാനങ്ങളില്‍ ഫ്രാഞ്ചൈസികള്‍ നടത്തുന്നതിന് അനുമതിയുള്ളത്. ഇതോടെ ആയിരക്കണക്കിന് തൊഴിലാളികള്‍ക്കാണ് ജോലി നഷ്ടപ്പെടാന്‍ പോകുന്നത്.
കമ്പനിയുടെ പേര് ഉപയോഗിച്ച് ഭക്ഷ്യവിഭവങ്ങള്‍ വില്‍ക്കുന്നത് 15 ദിവസത്തിനുള്ളില്‍ നിര്‍ത്തണമെന്ന് മക്‌ഡൊണാള്‍ഡ് മുന്നറിയിപ്പ് നല്‍കിക്കഴിഞ്ഞു. അതേസമയം കമ്പനി ഈ പ്രദേശങ്ങളില്‍ പുതിയ ഫ്രാഞ്ചൈസികളെ തേടുന്നതായും റിപ്പോര്‍ട്ടുകളുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ