പാട്‌ന: ബിജെപിക്കൊപ്പം ചേര്‍ന്ന നിതീഷ് കുമാറിന് മറുപടി നല്‍കിയായിരുന്നു ആര്‍ജെഡി നേതാവ് ലാലുപ്രസാദ് യാദവിന്റെ ശക്തി പ്രകടനം. ഗാന്ധി മൈതാനത്ത് തിങ്ങി നിറഞ്ഞ ജനക്കൂട്ടത്തിന്റെ ആകാശദൃശ്യം ട്വീറ്റ് ചെയ്ത് തന്റെ ശക്തി ലാലു വിളിച്ചു പറയുകയും ചെയ്തു. 

പക്ഷെയിപ്പോള്‍ മൈതാനത്ത് ജനക്കൂട്ടം നിറഞ്ഞു നില്‍ക്കുന്ന ലാലു ട്വീറ്റ് ചെയ്ത ചിത്രം ഫോട്ടോഷോപ്പ് ആണെന്നാണ് പരിഹാസം ഉയരുന്നത്. ഫോട്ടോഷോപ്പ് ചെയ്ത് ചിത്രത്തില്‍ ജനസാഗരം സൃഷ്ടിക്കാനാണ് ലാലു ശ്രമിച്ചതെന്നാണ് വിമര്‍ശനം. 

ഫോട്ടോ ട്വീറ്റ് ചെയ്തതിന് പുറമെ ലാലുവിനെതിരെ സമൂഹമാധ്യമങ്ങളില്‍ ട്രോളുകള്‍ ഉയരുന്നതിന് പുറമെ, രാഷ്ട്രീയ എതിരാളികളും ചിത്രം ആയുധമാക്കുന്നുണ്ട്.