ചെന്നൈ: തിരുച്ചെന്തൂരിനടുത്ത മണപ്പാട് കായലില്‍ യാത്രാബോട്ട് മറിഞ്ഞ് പത്തുപേര്‍ മരിച്ചു. പതിനഞ്ചുപേരെ കാണാതായി. വൈകിട്ടോടെയാണ് സംഭവം.

മത്സ്യബന്ധന ബോട്ടില്‍ കടല്‍ കാണാന്‍ പോയതായിരുന്നു സംഘം. ഏഴുപേര്‍ക്ക് കയറാവുന്ന ബോട്ടില്‍ 30 പേര്‍ കയറിയതാണ് അപകടകാരണമെന്നാണ് പ്രാഥമിക വിലയിരുത്തല്‍. മറ്റൊരു മത്സ്യബന്ധന ബോട്ടില്‍ എത്തിയവരാണ് അപകടമറിഞ്ഞ് രക്ഷാപ്രവര്‍ത്തനം നടത്തിയത്. രക്ഷപ്പെട്ടവരെ തിരുച്ചെന്തൂരിലെ ആശുപത്രികളില്‍ എത്തിച്ചു. ഇവരില് നാലുപേരുടെ നില ഗുരുതരമാണ്. ഇപ്പോഴും പതിനഞ്ചുപേരെ കാണാതായിട്ടുണ്ട്. മരണസംഖ്യ കൂടാനാണ് സാധ്യത.