ലഖ്‌നൗ: അയോധ്യയില്‍ രാമക്ഷേത്രം നിര്‍മിച്ചില്ലെങ്കില്‍ സംസ്ഥാനത്തെ മുസ്ലീംങ്ങളെ ഹജ് തീര്‍ഥാടനത്തിന് പോകാന്‍ അനുവദിക്കില്ലെന്ന് ഉത്തര്‍പ്രദേശിലെ ബിജെപി എംഎല്‍എ. സമൂഹമാധ്യമങ്ങളില്‍ പോസ്റ്റ് ചെയ്ത വീഡിയോയിലാണ് ബിജെപി എംഎല്‍എ ആയ ബ്രിജ്ഭൂഷണ്‍ രജ്പുത്തിന്റെ ഭീഷണി.
ഏഴ് അമര്‍നാഥ് തീര്‍ഥാടകര്‍ കൊല്ലപ്പെട്ടതിന്റെ പശ്ചാത്തലത്തിലായിരുന്നു ബിജെപി എംഎല്‍എയുടെ പ്രതികരണം. മുംസ്ലീം വിഭാഗക്കാര്‍ അയോധ്യയിലെ രാമക്ഷേത്ര നിര്‍മാണം തടയപ്പെടുത്തിയാല്‍ നിങ്ങളുടെ എംഎല്‍എ ഗുദ്ദ രജ്പുത് മക്കയിലേക്കും മദീനയിലേക്കുമുള്ള തീര്‍ഥാടനം തടസപ്പെടുത്തുമെന്നുമാണ് ബ്രിജ്ഭൂഷണിന്റെ ഭീഷണി.
അമര്‍നാഥ് തീര്‍ഥാടകര്‍ക്ക് നേരെയുണ്ടായ ആക്രമണത്തിനെതിരെ സര്‍ക്കാര്‍ ശക്തമായ മറുപടി നല്‍കും. അതിലൂടെ ഹിന്ദു സമുദായത്തിന് നേര്‍ക്ക് വിരലുയര്‍ത്താന്‍ ആര്‍ക്കും സാധിക്കില്ലെന്നും ബിജെപി എംഎല്‍എ വീഡിയോയില്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ