ലഖ്‌നോ: രാഷ്ട്രപതി തെരഞ്ഞെടുപ്പില്‍ പ്രതിപക്ഷം മീരാകുമാറിനെ സ്ഥാനാര്‍ത്ഥിയാക്കിയത് ദളിതരെ വിഭജിക്കാനാണെന്ന് യുപി മുഖ്യമന്ത്രി യോഗി ആദിത്യനാഥ്. ബിജെപി ദളിത് വിഭാഗത്തില്‍ നിന്നും കോവിന്ദിനെ സ്ഥാനാര്‍ത്ഥിയായി തെരഞ്ഞെടുത്തതിന് ശേഷം മാത്രമാണ് മീരാകുമാറിനെ സ്ഥാനാര്‍ത്ഥിയാക്കാന്‍ പ്രതിപക്ഷം തീരുമാനിച്ചതെന്നും യോഗി പറഞ്ഞു.
മീരാകുമാറിനെ സ്ഥാനാര്‍ത്ഥിയാക്കിയത് ദളിതരോടുള്ള ഇഷ്ടം കൊണ്ടായിരുന്നില്ല. അങ്ങനെയെങ്കില്‍ പ്രണബ്കുമാര്‍ മുഖര്‍ജിക്ക് പകരം മീരാകുമാറിനെ സ്ഥാനാര്‍ത്ഥിയാക്കുകയായിരുന്നു വേണ്ടത്. കോവിന്ദ് നാമനിര്‍ദേശപത്രിക സമര്‍പ്പിച്ച ശേഷമായിരുന്നു യോഗിയുടെ പ്രതികരണം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ