മുംബൈ: കോക്പിറ്റില്‍ പുക കണ്ടതിനെത്തുടര്‍ന്ന് എയര്‍ ഇന്ത്യ വിമാനം തിരിച്ചിറക്കി. മുംബൈയില്‍ നിന്ന് ഭുവനേശ്വറിലേക്ക് പറന്ന വിമാനമാണ് തിരിച്ചിറക്കിയത്. തിങ്കളാഴ്ച ഉച്ചയ്ക്ക് 2.15നു 155 യാത്രക്കാരുമായി പുറപ്പെട്ട എഐ 669 എയര്‍ ഇന്ത്യ വിമാനം മുംബൈ വിമാനത്തില്‍ തിരിച്ചിറക്കുകയായിരുന്നു. വിമാനം പറന്നുയര്‍ന്നിട്ട് 35 മിനിറ്റ് കഴിഞ്ഞപ്പോഴാണ് കോക്പിറ്റില്‍ പുക കണ്ടത്. വിമാനത്തില്‍നിന്നു സന്ദേശം ലഭിച്ചപ്പോള്‍ തന്നെ മുംബൈ വിമാനത്താവളത്തില്‍ ഏത് അടിയന്തര സാഹചര്യവും നേരിടാന്‍ തയാറെടുപ്പുകള്‍ നടത്തിയിരുന്നു.

അപകടമൊന്നും കൂടാതെ വിമാനം മുംബൈയില്‍ തിരിച്ചിറക്കാനായി. യാത്രക്കാരെല്ലാം സുരക്ഷിതരാണെന്ന് എയര്‍ ഇന്ത്യ അധികൃതരും മുംബൈ വിമാനത്താവള അധികൃതരും അറിയിച്ചു. വിമാനത്തിലെ യാത്രക്കാരെ വൈകിട്ട് 4.15നുള്ള മറ്റൊരു വിമാനത്തില്‍ ഭുവനേശ്വരിലെത്തിച്ചു. തകരാര്‍ സംഭവിച്ച സംഭവിച്ച വിമാനത്തില്‍ എയര്‍ ഇന്ത്യ വിദഗ്ധര്‍ പരിശോധന നടത്തുകയാണ്.