ലകനൗ: ഉത്തര്‍പ്രദേശില്‍ നിന്ന് ഗോമാംസം കയറ്റുമതി ചെയ്യുന്നില്ലെന്ന് മുഖ്യമന്ത്രി യോഗി ആദിത്യനാഥ്. ആര്‍ക്കും ഇതിനുളള ധൈര്യം ഇല്ലെന്നും യോഗി ആദിത്യനാഥ് വ്യക്തമാക്കി. ഗോഹത്യക്ക് പുറമേ കന്നുകാലികള്‍ക്ക് എതിരെയുളള ക്രൂരത പോലും അക്രമിയെ ജയിലഴിക്കുളളിലാക്കുമെന്നും അദ്ദേഹം ഓര്‍മ്മിപ്പിച്ചു.വിശ്വഹിന്ദുപരിഷത്തിന്റെ ഗോരക്ഷാ വിങ് സംഘടിപ്പിച്ച പരിപാടിയില്‍ പങ്കെടുത്ത് സംസാരിക്കുകയായിരുന്നു അദ്ദേഹം.
ഉത്തര്‍പ്രദേശില്‍ നിന്നുമാണ് ഏറ്റവുമധികം ഗോമാംസം കയറ്റുമതി ചെയ്യുന്നത് എന്ന വാര്‍ത്ത അടിസ്ഥാനരഹിതമാണ്. ഗോമാംസത്തിന്റെ ഒരംശം പോലും ഇവിടെ നിന്ന് കയറ്റുമതി ചെയ്യുന്നില്ലെന്നും അദ്ദേഹം ഉറപ്പിച്ചുപറഞ്ഞു. അനധിക്യത കശാപ്പുശാലകളെ നിരോധിച്ച സംസ്ഥാനത്തെ ആദ്യ സര്‍ക്കാരാണിത്. കന്നുകാലികള്‍ക്ക് യഥേഷ്ടം മേഞ്ഞുനടക്കുന്നതിനുളള സൗകര്യം മെച്ചപ്പെടുത്തുന്നതിനുളള ശ്രമത്തിലാണ് സര്‍ക്കാര്‍ എന്നും യോഗി ആദിത്യനാഥ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ