ചെന്നൈ: ഒന്നരദിവസത്തെ ചെന്നൈ സന്ദര്‍ശനത്തിനിടെ പ്രധാനമന്ത്രി നരേന്ദ്രമോദി ഡിഎംകെയുടെ മുതിര്‍ന്ന നേതാവ് കരുണാനിധിയെ സന്ദര്‍ശിച്ചു. കരുണാനിധിയുെട ആരോഗ്യസ്ഥിതിയും അന്വേഷിച്ചു. കൂടിക്കാഴ്ച പത്തുമിനിറ്റോളം നീണ്ടു. 

കേന്ദ്രപ്രതിരോധ മന്ത്രി നിര്‍മലാ സീതാരാമന്‍, പൊന്‍ രാധാകൃഷ്ണന്‍ എന്നിവരും പ്രധാനമന്ത്രിക്കൊപ്പമുണ്ടായിരുന്നു. മക്കളായ എംകെ സ്റ്റാലിനും കനിമൊഴിയും ചേര്‍ന്ന് പ്രധാനമന്ത്രിയെ വരവേറ്റു. പ്രധാനമന്ത്രിയായ ശേഷം ഇതാദ്യമായാണ് മോദി കരുണാനിധിയുടെ വീട് സന്ദര്‍ശിക്കുന്നത്. 

വീട്ടിലെത്തിയ പ്രധാനമന്ത്രി കരുണാനിധിയെ കൂടുതല്‍ വിശ്രമിക്കാനായി ഡല്‍ഹിയിലെ ഔദ്യോഗിക വസതിയിലേക്ക്‌ വിളിച്ചെങ്കിലും ഒരു ചിരിമാത്രമായിരുന്നു മറുപടി. എന്നാല്‍ സന്ദര്‍ശനത്തിന് രാഷ്ട്രീയമാനം നല്‍കേണ്ടതില്ലെന്നായിരുന്നു ഡിഎംകെ മറുപടി