ന്യൂഡല്‍ഹി : ലൗജിഹാദ് രാജ്യത്തിന്റെ സുരക്ഷയ്ക്ക് വലിയ ഭീഷണിയാണെന്ന് വിശ്വ ഹിന്ദുപരിഷത്ത് . ജിഹാദികള്‍ ചെയ്യുന്ന ദുഷ്പ്രവൃത്തികള്‍ക്ക് മറയിടാന്‍ മതേതരസംഘടനകള്‍ ശ്രമിക്കരുത് എന്നും വിശ്വ ഹിന്ദുപരിഷത്ത് പ്രസ്താവനയിലുടെ ആവശ്യപ്പെട്ടു.
ആഗോളതലത്തില്‍ ലൗജിഹാദിന് തടയിടാന്‍ ആലോചനകള്‍ നടക്കുകയാണ്. പാശ്ചാത്യരാജ്യങ്ങളില്‍ റോമിയോ ജിഹാദ് എന്ന് അറിയപ്പെടുന്ന ലൗജിഹാദിന് പ്രതിരോധം തീര്‍ക്കാനാണ് മതേതര സംഘടനകള്‍ ഇന്ത്യയില്‍ ശ്രമിച്ചുവരുന്നതെന്നും വിശ്വ ഹിന്ദുപരിഷത്ത് രാജ്യാന്തര ജനറല്‍ സെക്രട്ടറി സുരേന്ദ്ര ജെയിന്‍ ആരോപിച്ചു. രാജസ്ഥാനില്‍ നടക്കുന്ന ആദ്ധ്യാത്മിക മേളയില്‍ ഹിന്ദുപെണ്‍കുട്ടികള്‍ ലൗജിഹാദില്‍ അകപ്പെടരുത് എന്ന മുന്നറിയിപ്പോടെ ലഘുലേഖകള്‍ വിതരണം ചെയ്ത വിശ്വ ഹിന്ദുപരിഷത്തിന്റെ നടപടിക്ക് എതിരെ വിമര്‍ശനം ഉയര്‍ന്ന പശ്ചാത്തലത്തിലാണ് പ്രതികരണം. ലൗജിഹാദ് സമുദായ സൗഹാര്‍ദത്തിനും ഭീഷണിയാണെന്ന് പ്രസ്താവനയില്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ