ന്യൂഡല്‍ഹി: മോദിയുടെ കെട്ടിപ്പിടിത്ത നയതന്ത്രത്തിന്റെ പരാജയമാണ് ഹാഫിസ് സയ്യിദിന്റെ വിടുതലെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. അമേരിക്കന്‍ പ്രസിഡന്റ് ഡൊണാള്‍ഡ് ട്രംപുമായി നടത്തിയ കെട്ടിപ്പിടുത്ത നയതന്ത്രം പരാജയപ്പെട്ടിരിക്കുന്നുവെന്ന് അദ്ദേഹം പരിഹസിച്ചു. ട്വിറ്ററിലൂടെയായിരുന്നു രാഹുലിന്റെ പരിഹാസം.
നരേന്ദ്രഭായ്, ഭീകരവാദികളുടെ സൂത്രധാരന്‍ സ്വതന്ത്രനായി. ലഷ്‌കറെ ത്വയിബയില്‍ നിന്ന് പാക് സൈനിക ഫണ്ട് പ്രസിഡന്റ് ട്രംപ് വേര്‍തിരിച്ചു. കെട്ടിപ്പിടുത്ത നയതന്ത്രം പരാജയപ്പെട്ടിരിക്കുന്നു. കൂടുതല്‍ കെട്ടിപ്പിടുത്തം ഉടനടി ആവശ്യമാണ്. അദ്ദേഹം ട്വീറ്റ് ചെയ്തു.
മുംബൈ തീവ്രവാദ ആക്രണ കേസിലെ മുഖ്യ ആസൂത്രകനായ ഹാഫിസ് സെയ്യിദിനെ കഴിഞ്ഞ ദിവസം പാകിസ്ഥാന്‍ വീട്ടുതടങ്കലില്‍ നിന്ന് മോചിപ്പിച്ചിരുന്നു. മുംബൈ ഭീകരാക്രണ വാര്‍ഷികം വരുന്നതിന് ദിവസങ്ങള്‍ മാത്രം ബാക്കി നില്‍ക്കുകയായിരുന്നു പാകിസ്ഥാന്‍ നടപടി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ